Romba 3:11 - Gotna Kudi

¹¹ Akwi du taakwa kutdéngmarék yate de Gotna kudiké kuk kwayu. Gotké mawulé yakwa du taakwa las kaapuk radakwa.

Gotna kundi

¹¹ Akwi du dakwa vékusékngapuk yate Gotna kundit wa kuk kwayéndakwa. Gorké mawulé yakwa du taakwa nak yamba te wa.

Romba 3:11 Referans Kwoze

Taitus 3:3

Déknyényba naané Jisas Kraisna jébaaba yaalamarék ye kapéredi mawulé yate, Gotna kudi véknwumarék yate, yénaa kudi véknwute, naané kapéredi mu yak. Naana kapéredi mawulé véknwute naana sépéké male sanévéknwunaka dé kés pulak nak pulak kapéredi mu naanat gik. Naané du taakwat yaalébaanké mawulé yanaka naana mawulé deku gwalmuké dé génék. De naanéké kélik yadaka naané deké kélik yak.

Romba 8:7

Yalakdaran yaabuba yékwa du taakwaké kudi wakwete wuné kéni muké wawo wuné wakwek. Deku kapéredi mawulé deké apa yadéka de Gotna maama ro, Got wakwen apa kudi véknwumarék yadakwa bege. De Got wakwen apa kudi miték véknwuké de yapatiyu.

1 Jon 5:20

Naané kutdéngék. Gotna nyaan Jisas débu giyaak. Giyae dé naanéké yéknwun mawulé débu tiyaak, naané Gotké miték kutdéngnoké. Dé kapmu naana némaan ban Got dé ro. Nak némaan ban dé pulak kaapuk radékwa. Naané déku nyaan Jisas Krais wale nakurak mawulé yate naané dé wale nakurak mawulé yate ro. Wan némaan ban Got dé ro. Dé kapmu dé naanéké kulé mawulé tiyao, naané apuba apuba miték rasaakunoké.

Romba 1:28

De waga yate Gotké kutdéngte déké kuk kwayédaka Got deké débu kuk kwayék. Kwayédék de deku kapéredi mawulé véknwute gweba du taakwa yadakwa mu de yo.

Romba 1:22

Yate de wo, “Naané wupmalemu muké naané kutdéngék.” Naate wate de waagété de yak.

Matyu 13:19

Got némaan ban rate du taakwaké miték védéran kudi, wani kudi du taakwa las bakna de véknwu. Véknwute de wani kudiké kaapuk miték kutdéngdan. Wani du taakwa wan yaabuba akérén wit sék pulak. De taale wani kudi de miték véknwu. Véknwudaka Seten yae dé wani kudi kérae kure yu. Yédéka de wani kudiké yékéyaak de yo.

Romba 3:10

Wani kapéredi mawulé yakwa du taakwaké Gotna nyégaba kéni kudi dé kwao: Yéknwun mu yakwa du taakwa las kaapuk radakwa. De akwi kapéredi mu de yo.

Romba 3:12

Akwi du taakwa Gotké yédakwa yaabu debu kulaknyényék. Kulaknyénytakne de akwi kapéredi mu yakwa du taakwa de ro. Du taakwa yéknwun mu yaké mawulé kaapuk yadakwa. Akwi du taakwa de kapéredi mu yaké de mawulé yo.