Jisas Kraiské Mak viyaatakan kundi 3:12 - Gotna Kudi

¹² Naate wadaka dé Jisas derét némaanba wak, de déké kudi wakwekaapuk yadoké.

Gotna kundi

¹² Wunga waandaka Jisas det némaanmba wandén, de déké kundi saapékapuk yandarénngé.

Jisas Kraiské Mak viyaatakan kundi 3:12 Referans Kwoze

Matyu 12:16

Yadaka dé derét némaanba wak, de déké nak du taakwat kudi wakwemarék yadoké.

Jisas Kraiské Mak viyaatakan kundi 1:34

Jawudaka dé wupmalemu du taakwa baadit kutnébulék. Yatakne dé wadéka de wupmalemu kutakwa du taakwa baadit de kulaknyényék. Kulaknyénytakne yaage yéké yadaka dé kutakwat waatik, de déké kudi wakwekaapuk yadoké. Derét dé waatik, déké kutdéngdan bege.

Jisas Kraiské Mak viyaatakan kundi 1:25

Naate wadéka dé Jisas kutakwat wak, “Nyéné kudi bulkaapuk. Wani dut kulaknyénytakne mé yaage yé.”

Matyu 8:4

Yadéka dé dérét wak, “Mé véknwu. Ménat yawurén muké nak du taakwat wakwemarék yaké méné yo. Méné Gotna kudi bulnakwa gaba jébaa yakwa nyédé duké ye déku méniba téménu dé ména sépat véké dé yo. Védu méné Moses déknyényba wakwedén pulak Gotké kwaami kwayéké méné yo. Kwayéménu nak du taakwa véte kutdéngké de yo, lepéro kaapuk yadéka méné yéknwun yaménénké.” Naate dé Jisas dérét wak.

Aposel 16:18

Akwi nyaa lé waga male lé yak. Waga male yaléka kukba dé Pol wani muké wulkiyaa dé yak. Wulkiyaa yate walaakwe dé wani kutakwat wak, “Jisas Krais apa tiyaadéka déku yéba wuné wo. Wani taakwat kulaknyénytakne nyéné yéké yo.” Naate wadéka lé wani kutakwa wani taakwat kulaknyénytakne lé bari yaage yék.

Matyu 9:30

Naate wadéka bétku méni dé tépa yéknwun yak. Yadéka dé Jisas bérét némaanba wak, “Béné wani muké nak dut wakwemarék yaké béné yo.”