Matyu 4:18 - Gotna Kudi

¹⁸ Jisas Galilina kwawu nak maaléba yéte dé vék Saimon, déku nak yé Pita, déku wayékna Andru wale bétku jébaa yabétka. Bét akwi nyaa yabérén pulak wani kwawuba bét laaké tawuk gukwamiké.

Gotna kundi

¹⁸ Jisas Galili néma gu kwaawuna nak saku wutépmba yététe véndén Saimon, déku nak yé Pita, déku waayéka Andrule bérku jémbaa yarémbéréka. Bét akwi nyaa yambérén pulak wani néma gu kwaawumba aaswut taawurémbérén gukwamiké.

Matyu 4:18 Referans Kwoze

Matyu 10:2

De déku kudi kure yédoké dé derét wak. Deku yé kéga: Saimon, déku nak yé Pita. Déku wayékna Andru. Sebedina nyaan vétik Jems déku wayékna Jon wale.

Jisas Kraiské Luk viyaatakan kundi 6:14

Deku yé kéga. Saimon. Déké Jisas dé nak yé kwayék, Pita. Saimonna wayékna, Andru. Jems. Jon. Pilip. Batolomyu.

Matyu 16:18

Kén ménat wuné wakweyo. Ména yé Pita. Naana kudi kéga: Matu. Wani apakélé matu takuba wuna jébaaba yaalan du taakwat taknaké wuné yo. Taknawuru du taakwa kiyaadakwa paaté nak kapéredi mu wawo wuna du taakwat yaalébaanmarék yaké dé yo. De miték rasaakuké de yo apuba apuba.

Matyu 15:29

Jisas wani gayé kulaknyénytakne dé képmaaba yék. Galilina kwawu tékwaba dé yék. Ye dé nébat nak waare dé rak.

Jisas Kraiské Jon viyaatakan kundi 6:1

Wani kudi wakwetakne dé Jisas kwawu nak saknwat yék. Wani kwawuna yé Galili. Nak yé Taibirias. Naané déku du dé wale naané yék.

Jisas Kraiské Jon viyaatakan kundi 21:1

Kukba naané Jisasna du Taibirias waanakwa kwawu tépétba ténaka dé Jisas naanéké tépa yaak.

Jisas Kraiské Jon viyaatakan kundi 6:8

Naate wadéka naana du nak Andru dé waba ték. Wani du wan Saimon Pitana wayékna.

Jisas Kraiské Mak viyaatakan kundi 7:31

Kukba Taiana képmaa kulaknyénytakne Saidonna képmaaba yéte Dekapolisna képmaaba ye dé Jisas Galilina kwawu saabak.

Matyu 4:19

Vétakne dé bérét wak, “Béné mé yaa wuné wale. Yaabénu wuné bénat nak jébaaké yakwatnyéké wuné yo. Yakwatnyéwuru béné gukwami kutbénén pulak du taakwat kéraaké béné yo. Kéraabénu de wuna kudi véknwuké de yo.”