Jisas Kraiské Luk viyaatakan kundi 24:51 - Gotna kundi

⁵¹ Waatakutéte de yaasékandéka Got dé déku gaayét kure waaréndén.

Gotna Kudi

⁵¹ Wekna waatate derét kulaknyénydéka dé Got dérét déku gayét kure waarék.

Jisas Kraiské Luk viyaatakan kundi 24:51 Referans Kwoze

Aposel 1:9

Jisas wunga watake Got wandéka wa waaréndén Gotna gaayét.

Jisas Kraiské Jon viyaatakan kundi 20:17

Maria wunga waléka Jisas anga wandén, “Nyéné wunat kurké yambak. Wuna aapaké wayéka waarékapuk téwutékwa. Nyéné ye wuna dunyansat anga ma wanyénék, ‘Dé déku aapa guna aapa Gorké waarékandékwa.’ Det wunga ma wanyénék.”

Yibruna 4:14

Gotna gaamba jémbaa yakwa du nak wa nana du wa téndékwa. Dé Gotna gaamba jémbaa yakwa akwi dunyanna néma du wa. Nanat yékun yaké wa Gotna gaayét waare déku ménimba randékwa. Wani du wan Gotna nyaan Jisas wa. Dé nana Néman Du wa. Dé Gotna ménimba randékwanngé, nané déké yékunmba vékulakate déku jémbaa ma kuttépékaakwak.

Yibruna 1:3

Déku nyaan wan Got pulak wa randékwa. Déku yapaté wan Gotna yapaté pulak wa. Got apamama yandékwa pulak wa apamama yandékwa. Got apapu apapu rapékandékwa pulak wa dé apapu apapu rapéka-kandékwa. Déku kundi apamama yandékwa. Yate dé wandéka yandén akwi musé deku taalémba téte yékunmba tépékaandakwa. Dé akwi du dakwa yan kapérandi musé kururéké wa kiyaandén. Kiyaae taamale waarape Gotna gaayét waaréndén. Waare déku yékutuwa taambamba randékwa. Dé néma du rakwa taalémba rapékandékwa.

Jisas Kraiské Mak viyaatakan kundi 16:19

Néman Du Jisas wunga wandéka kukmba Got wandéka Gotna gaayét waare néma du rate déku yékutuwa taambamba randén.

Jisas Kraiské Luk viyaatakan kundi 24:50

Jisas wunga watake de kure Jerusalem taakatake ayélap yépulak naae Betanimba saambakndarén. Saambake déku taamba kusoréte Gorét waatakundén, det yékun yandénngé.

Jisas Kraiské Luk viyaatakan kundi 24:52

Waaréndéka de mawulé tawulé yate waambule yéndarén Jerusalemét.