Roma 1:12 - Uisneno In Kabin ma Prenat: Rais Manba'an Fe'u nok Reta' Ahun-hunut

¹² Au sairt ii on nai: karu au ꞌjair he ꞌuum ma utua ꞌok ki, au he ꞌhaꞌtain ki, he hi neek pirsait naan nakiiꞌ naheer anteniꞌ. Ma au ꞌroim he hi mhaꞌtain au neek ii msaꞌ.

Roma 1:12 Referans Kwoze

2 Naiꞌ Petrus 1:1

Surat reꞌ ia naꞌko au, naiꞌ Simon Petrus kau. Au ꞌjair Yesus Kristus In aan renuꞌ-aan rekaꞌ. Au ꞌjair In haef amsaꞌ, reꞌ In nreek haefan kau ꞌnao ꞌeu mee-mee he utoon anmatoom nok Ne. Au ꞌtui surat reꞌ ia ꞌeu ki reꞌ ampirsai mrair meu Yesus Kristus. Natuin Uisneno In neekn ee namneo ma namnoon, In nfei ranan he hi bisa mpirsai meu Kristus, on reꞌ hai. Rais pirsait naan maꞌoos reꞌuf neu kit ok-okeꞌ. Kristus anjair hit Uisneno, ma In njair Tuaf es amsaꞌ reꞌ nsoi nafetin naan kit naꞌko hit saant am penu sin.

2 Korintus 7:13

Areꞌ saaꞌ ein reꞌ ia, anhaꞌtain au nekak. Hi mhaꞌtain naiꞌ Titus in nekan amsaꞌ, maut he in nekan naan bisa ntaininaꞌ. Naan anharineb antein hai neekm ein amsaꞌ.

Roma 15:32

Rarit karu tatuin Uisneno In romin, au bisa ꞌuum aꞌkius ki nok neek marine. Au he usnaas akreꞌo ꞌbi naan.

Naiꞌ Judas 1:3

Aok-bian manekat arki! Afi unuꞌ au ꞌroim he ꞌtui surat ꞌeu ki arki, he utoon ki mꞌak Uisneno nsoi nafetin kit. Mes oras ia, rasi piis es anpoi ma nboor, onaim au ro he ꞌtui ꞌtetaꞌ. Uisneno nfee nrair kit raan aꞌhonis amneot. In nfee raan aꞌhonis naan no meesꞌ aah, ma In ka nsenuꞌ ma nsekaꞌ niit ee fa. In nfee raan aꞌhonis naan neu In tuaf-tuaf reꞌ mapirsaꞌi sin. Onaim oras ia, au ꞌtoit he hi mmeup maꞌtaniꞌ, he kais anmuiꞌ tuaf reꞌ he nsobaꞌ he nsenuꞌ ma nsekaꞌ raan aꞌhonis naꞌko Uisneno.

2 Naiꞌ Yohanis 1:4

Au ꞌmariin aꞌmaet oras au uteef ꞌok ho aanh ein bian, ma ꞌkius sin nmonin nok rek-reko, natuin raan aꞌhonis reꞌ batuur, on reꞌ Amaꞌ Uisneno naprenat anrair neu kit.

2 Naiꞌ Timotius 1:4

Au umnau, oras hit tbaits ok neno naan, ho mkae mpin-pinus. Etun au ꞌroim he uteef aꞌtein ꞌok ko, maut he au ꞌmariin.

Efesus 4:5

Hit Usiꞌ, meesꞌ aah, Hit rais pirsait, suma anmuꞌi haa ranan meseꞌ, he bisa tmarameꞌ tok Ne. Ma hit arkit attoupu sraniꞌ, he tjair meseꞌ tok Ne.

Roma 15:24

Karu au ꞌnao ꞌeu pah Spanyol, au he ꞌeisi ꞌkius ki. Rarit karu au ꞌeisi ꞌtahan ꞌbi naan, hi bisa mturun ma mbaab kau nok noni-roit he ꞌnao ꞌeu Spanyol.

Roma 1:11

Au ꞌonen on naan, natuin au umnau ki he ꞌiit ꞌaan ki, he au bisa ꞌbait ꞌeu ki kuasa naꞌko Uisneno In Asmanan, he hi mjair Uisneno Iin na, reꞌ naran ma ntahan maꞌtaniꞌ.

Roma 1:13

Aok-bian manekat arki! Au ꞌroim he hi mihini mmak, fani-fani au sairt ii he ꞌeitiꞌ ꞌmakius ki ꞌbi kota Roma naan. Mes antea oras ia, ka bisa fa feꞌ. Karu au ꞌjair he ꞌuum, au ufnekan ma ꞌharap anmuiꞌ tuaf amfaun anpirsai maꞌtaniꞌ neun Kristus feꞌ, on reꞌ anbi bare bian sin. Nok ranan naan, au ꞌmeupk aan napein in afan arekot.