Rasi Mnitas neu naiꞌ Yohanis 21:6 - Uisneno In Kabin ma Prenat: Rais Manba'an Fe'u nok Reta' Ahun-hunut

⁶ Rarit In natoon antein kau mnak, “Areꞌ saaꞌ-saaꞌ reꞌ Au ꞌbaꞌan ꞌain sin naꞌko afi unuꞌ naan, njarin nrarin. Natuin Au reꞌ ia, Alfa ntea Omega. Ma Au reꞌ ia, A ntea Z, Areꞌ saaꞌ-saaꞌ ii naꞌuun ma naꞌbaꞌan nbin Kau, anmurai naꞌko ahunut ntea amunit. Areꞌ kanan mansian ameon oe, Au of aꞌfeen sin oe ma ninun kuuk ruum-ruum aah, naꞌko oe mataꞌ reꞌ neiki ꞌhonis, maut he mansian ein anmonin batuur.

Rasi Mnitas neu naiꞌ Yohanis 21:6 Referans Kwoze

Naiꞌ Yohanis 4:10

Naiꞌ Yesus naꞌuab am nak, “On nai. Karu ho muhiin saaꞌ reꞌ Uisneno he nfee je neu mansian ii arsin, ma ho muhiin Kau, reꞌ Atoit oe mninuꞌ reꞌ ia Sekau, of ho mtoit mufaniꞌ oe muꞌko Kau. Rarit Au ꞌfee oe reꞌ neiki ꞌhonis.”

Rasi Mnitas neu naiꞌ Yohanis 7:17

ꞌBib-kaes Anaꞌ reꞌ anpaumaak nok aꞌtoko prenat naan, In of es reꞌ njair sin atukus. In of es reꞌ napooꞌ neik sin, ma naꞌinuꞌ sin anbin oe mataꞌ reꞌ neiki ꞌhonis. Uisneno of es annoes nain sin susat, henatiꞌ sin kais ankaen ntenin.”

Naiꞌ Yohanis 4:14

Mes karu atoniꞌ niun oe reꞌ Au ꞌfee je te, of ka nmeno ntein fa. Fin oe reꞌ Au ꞌfee je naan, on reꞌ oe mataꞌ es, reꞌ nboor ma npuur anpoi. Oe naan, neiki ꞌhonis abar-barat.”

Roma 8:32

Uisneno ka natau fa In Aanh aa kuun. Mes In nnonaꞌ ma nfee In Anah naan he nmate njair fuaꞌ-turuꞌ, he nturun ma nbaab kit ok-okeꞌ. Natuin Uisneno ka natau fa In Anah naan akreꞌo msaꞌ, hit bisa tahiin tak, In of anfee neu kit areꞌ rais reko nok ruum am parsuum. Batuur, aiꞌ?

Rasi Mnitas neu naiꞌ Yohanis 22:17

Uisneno In Asmaan Akninuꞌ naskau mnak, “Atkoen ok teem teu ia, tua!” Baroit bifee naan noꞌen am nak, “Atkoen ok teem nai, tua!” Maut he tuaf-tuaf reꞌ anneen naskau msaꞌ am nak, “Atkoen ok teem nai, tua!” Maut he tuaf-tuaf reꞌ anmeon oe, nkoen ok neman he nbukaen oe, Maut he tuaf-tuaf reꞌ anromin he nbukae oe reꞌ neik rasi ꞌhonis, iim he msium ma mtoup nai, tua! Tuaf bole nait oe naan, ruum-ruum ahaa. Tuaf bole niun oe naan, ma ka nfee fa roit.

Rasi Mnitas neu naiꞌ Yohanis 1:8

Uisneno nak, “Au reꞌ ia, Alfa ntea Omega. Au reꞌ ia, A ntea Z. Areꞌ saaꞌ-saaꞌ ii, sin naꞌuun ma naꞌbaꞌan naꞌko Kau, anmurai naꞌko ahunut tar antea amunit. Au es reꞌ ꞌbi ꞌain ia naꞌko unuꞌ. Au es reꞌ oras ia. Au es reꞌ ꞌbi oras amnemat tar antea nabar-baar. Fin Au kuuk es reꞌ akuaas reꞌuf!”

Roma 3:24

Maski on naan amsaꞌ, mes Uisneno kuun es reꞌ naruruꞌ ma nakriraꞌ In nekan arekot, ma nafeek nak, hit ka tsaan fa goen antein. In ntoup kit on naan, natuin Yesus Kristus ansoi nafetin naan kit naꞌko hit sanat ma penu sin.

Rasi Mnitas neu naiꞌ Yohanis 22:13

Au reꞌ ia, Alfa ntea Omega. Au reꞌ ia, A ntea Z. Areꞌ kanan saaꞌ-saaꞌ ii naꞌuun ma naꞌbaꞌan nbin Kau, anmurai naꞌko ahunut tar amunit.

Rasi Mnitas neu naiꞌ Yohanis 16:17

Rarit ameput no hiutn ii nꞌopaꞌ bookr ee in afan neu anin. Onaim Uisneno naꞌuab neik haan koꞌu naꞌko In aꞌtoko prenat, et Uim Onen am nak, “Oekꞌ een! Au tooꞌs ein oekꞌ ein een!”

Rasi Mnitas neu naiꞌ Yohanis 1:17

Oras au ꞌiit Atoniꞌ naan, au ꞌtaikoib on reꞌ atua-mafut, anbi In haen. Mes in nreok kau neik In aꞌniman aꞌneꞌu, rarit In naꞌuab am nak, “Anah! Kais mumtau! Natuin areꞌ saaꞌ-saaꞌ ii sin naꞌuun ma naꞌbaꞌan naꞌko Kau, nmurai naꞌko ahunut tar antea amunit.

1 Korintus 2:12

Hit ttoupu trair Uisneno In Asmanan, ma In es reꞌ anꞌator kit. Etun hit ka tatuin fa mansian pah-pinan ia sin tenab. Natuin Uisneno In Asmanan et hit nekak nanan, etun hit bisa tahiin areꞌ kanan rais reko reꞌ In nmoeꞌ sin neu kit.

Rasi Mnitas neu naiꞌ Yohanis 10:6

ma ansuup am nak, “Au uabak reꞌ ia, ro batuur! Au ꞌsuup aꞌpaek Uisneno In kanan, natuin In kuun nabar-baar! In kuun es amoꞌet ma apakaet neno tunan ma pah-pinan, nok nain in afan ma in nesan. Onaim amneen mirek-rekoꞌ! Oras eti reꞌ hit tpa-pao goe naan, anpaumaak een.

1 Korintus 3:12

Tebes, of anmuiꞌ tuaf reꞌ he nafenaꞌ anbi fanderen naan npaek ramuan humaꞌ-humaꞌ. Bian anromin he npaken ramuan on reꞌ noni mnatuꞌ, noin mutiꞌ, aiꞌ faut arimat. Bian he npaken ramuan biasa on reꞌ hau, huun, aiꞌ huu-musu.

Rasi Mnitas neu naiꞌ Yohanis 1:11

Hanaf naan anreek kau mnak, “Yohanis! Au he ukriraꞌ ko rais jes. Saaꞌ-saaꞌ reꞌ ho miit sin, ho ro he mtui sin. Rarit ho msonuꞌ sin meu jemaꞌat hiut, esan reꞌ jemaaꞌt ein abitan kota Efesus, kota Smirna, kota Pergamus, kota Tiatira, kota Sardis, kota Filadelfia, ma kota Laodikia.”

1 Korintus 3:21

Onaim hi kais maikas ma minaib tuaf es mak, in ro maꞌtaniꞌ. Fin Uisneno es reꞌ nait nanaib tuaf he naꞌnaak ki. Areꞌ saaꞌ-saaꞌ ii ok-okeꞌ anjair hi ngguin een. Onaim hi aꞌnaakt ein, on reꞌ: au, naiꞌ Apolos, ma naiꞌ Petrus, hai ok-okeꞌ mjair hi ngguin. Ma areꞌ kanan rasi nbin pah-pinan ia, anjair hi ngguin amsaꞌ, maski hi mmoin aiꞌ mmaet, oras ia aiꞌ amnemat, areꞌ saaꞌ ii ok-okeꞌ njair hi ngguin.

1 Korintus 3:5

Te kaah, naiꞌ Apolos naan, sekau? Ma au, naiꞌ Paulus reꞌ ia, sekau? Fin hai nua kai reꞌ ia, suma mjair aan reun ahaa. Hai es reꞌ miruruꞌ ma mikriraꞌ ranan he hi bisa mpirsai Kristus. Naiꞌ Apolos nanaobaꞌ mepu natuin Usiꞌ In aprenat. Ma au on naan amsaꞌ.

Naiꞌ Yohanis 4:11

Bifee naan nak, “Ho ka mmuiꞌ fa ꞌkuꞌi. Oe ꞌnoneꞌ reꞌ ia, mnanuꞌ msaꞌ. Ho he mupein oe reꞌ neiki ꞌhonis naan, muꞌko mee? Aiꞌ nmuiꞌ oe naan et mee ntein?

Rasi Mnitas neu naiꞌ Yohanis 3:14

Onaim Mansian Batuur-Batuur naan antuut antein in uaban naan am nak, “Yohanis. Oras ia ho ro he mtui surat amunit. In haan ee, on nai: ‘Neu jemaꞌat abitan kota Laodikia: Surat reꞌ ia, naꞌko Au, Naiꞌ Yesus Kau, reꞌ sin nteek Ee nak, ‘Ro Batuur’. Au reꞌ ia, uꞌuab namneo ma namnoon Uisneno In Kabin ma Prenat piut-piut. Ma areꞌ saaꞌ-saaꞌ reꞌ Uisneno nmoeꞌ sin naan, naꞌuun ma naꞌbaꞌan nbin Kau.