Titus 1:14 - Tur gewasin o baibasit boubun

¹⁴ men Jew sabuw hai binanakwar hinanowar naatu men sabuw iyab turobe hikwakwahir hai obaiyunen tur hinanowaramih.

Titus 1:14 Referans Kwoze

2 Timothy 4:4

Tur anababatun isan tainih boro hinagibud naatu binanakwar mumunih isah tainih boro hinabotawiy.

Colossians 2:22

sawar iti etei i orot hai bai’obaiyen, bay i anin isan matar imih etei tanaa.

2 Peter 2:22

Abistan isah mamatar i turobe, mi’itube Buk Atamanin proverb eo, “Haru namout naatu natatabir abistan mamout boro na’aan.” Naatu ibanak ta eo maiye, “For babin inirurub gewasin maiyow naatu i boro na’intabir nan yur yan nare nibour.”

Galatians 4:9

Baise boun i kwa God kwasu’ub naatu God kwa su’ubi, naatu mi’itube iban maiye kwakokok kwanamatabir wagabur ririmih naatu murubih kwani’uf nunihimih. Aisim kwakokok iban hai akir kwanamatar maiye.

Matthew 15:9

Hai kwafiren ayu isou i wanawanan nikuwat; men basit orot hai notamaim ofafar hikikirum sabuw kwati’obaiyih hiti’ufunun.’”

Mark 7:7

I hai kwafiren ayu isau i yabin en, anayabin i hai bai’obaiyen i orot ofafar hiya’aya imaim tebi’obaibiyih!’

Hebrews 12:25

Kwana’itin gewas God abisa boun eo kwananowar, men kwanakwahir. Anayabin sabuw iyab marasika oyaw anamaim Moses eo hinowar fanan hisasair i baimakiy men kafa’imo hihaiwimih. Naatu boun God fanan i mutufor marane re eo tanonowar, baise kwanitafasar fanan kwanasasair na’at, kwa i kwamorob sawar. Baimakiy kakafin anababatun boro men karam kwanahaiw!

Titus 3:11

O iso’obaka nati orot i ikwaris naatu taiyuwin ana kakafinamaim ubar itin.