Revelation 18:3 - Tur gewasin o baibasit boubun

³ Tafaram etei i ana wine hitom tibikoko’aw, naatu babin ana baiwa’an kwanekwan wine fokarin hitom ibimnikinikih, tafaram ana aiwob etei i bairi tibisesebar kwanekwan, Naatu ef remor tobonayah, tafaram wanawanan i biyanamaim buwih hina guguw wairafih himatar.”

Revelation 18:3 Referans Kwoze

Revelation 17:2

Tafaram ana aiwob hina bairi hiwa’an kwanekwan naatu tafaram ana sabuw baiwa’an kwanekwan ana wine hitom hikoko’aw.”

Revelation 14:8

Tounamatar bairou’abin i’ufunun tit eo, “Babilon ra’iyeka! Babilon bar merar gagamin i ra’iyeka, anayabin tafaram wanawanan sabuw baiwa’an kwanekwan ana wine babin faramih etei hitom!”

Revelation 18:9

Tafaram ana aiwob iyab i bairi hibiwa’an i boro babin ana guguw ana yasisir wanawanan hinarun bairi hinafaram, naatu babin na’a’arah ana sow hina’itin boro hinarerey, naatu hinabotouw.

Revelation 18:23

Ramef hai marakaw o wanawanamaim boro men nakusisiar maiye. Tabin boubuh hai omatanen boro men inanowar maiye, ef tobon remorayah wabih gagamih tafaram wanawanan, o a kwerakweramaim tafaram ana sabuw etei hinawiy kakaf ef hisa’ir.

Luke 7:25

Abisa itinamih kwatit kwan? Orot sawar wairafin e’abur gewas ma’am itinamih kwan? En anayabin sabuw hai abur gewasin i bar gewasihimaim tema’am.

1 Timothy 5:11

Baise baibin baubuh iyab kwafur tema’ama wabih men inakirum, anayabin hinama’am hai naniyan tabinamih hinabiwa’an, kouh boro Keriso hinitin hinatabin,

Revelation 18:7

Bora’ara’aten naatu guguw wanawanan babin ma ebiyasisir, bai’akir rerey nati na’atube tafan kuya’abar kwitin, i dogoronamaim eora’ara’at eo, ‘Ayu i aiwob babin, men kwafur babin, naatu ayu boro men kafa’imo ana rerey.’

Revelation 18:19

Fofob hibow aribuh yan hisusuwa’en, hirerey hibotoutuw hio, “Ari! Ari! Yababan bar merar gagamin, riy yan wa kaifenayah nane hin o biyamaim totobuyoy wairafih himamatar menamaim hin? Mar kafai wanawanan earuwasair etei sawar.