Revelation 12:12 - Tur gewasin o baibasit boubun

¹² Isan imih kwa mar ana sabuw. Iyab nati’imaim kwama kwabowabow kwaniyasisir! Baise yare gagamin i kwa iyab tafaramamaim naatu riyamaim kwama’am isa. Anayabin Demon Mowan i re na kwa biya tit. Dogoron wanawanan yaso’ar awan karatan, anayabin i so’ob ana veya i men manin.”

Revelation 12:12 Referans Kwoze

Revelation 8:13

Imaibo ayu anuwanuw mamu ikou mar ana yan foun rererey fanan anowar, “Ago, ago, ago! Kwa sabuw iyab tafaramamaim kwama’am tounamatar tounu hai tour hinabababin ana veya biyababan boro kakafin maiyow kwanab!”

Revelation 18:20

Mar ana sabuw babin huhurir isan kwaniyasisir. Naatu God ana sabuw kakafiyih, tur abarayah, dinab oro’orot kwaniyasisir, anayabin babin abisa kwa isa sisinaf na’atube God ibo isan isisinaf.”

Revelation 10:6

Naatu orot nati wanatowan, wanatowan ema’am isan mar tafaram riy sawar etei sinafen wanawanan tema’am, Regah God wabinamaim eo baifaro eo, “Veya boro men ta au’uf tananawiyimih!

Revelation 11:10

Tafaram ana sabuw boro orot rou’ab himomorob isan hinaru’ay hiniyasisir, turahinah bairi hai siwar hinafarambonen, anayabin iti dinab orot rou’ab i biyababan gagamin maiyow hibai hina tafaram wanawanan sabuw tutufin etei isah.

Revelation 9:12

Biyababan aga’ag wantoro’ot i na sawar, naatu biyababan aga’ag rou’ab i boro tenan.

Luke 15:10

Imih a tur ao’owen, ef i nati na’atube, God ana tounamatar maramaim orot ta’imon bowabow kakafin wairafin ana kakafihine dogor baikitabir baib isan boro yasisir gagamin na’in hinab.”

Revelation 11:14

Bai’akir bairou’abin sawar, naatu bai’akir baitounin boro’omo natit!

2 Peter 3:8

Baise au ofonah, iti sawar ta’imon i men nuhinaburumih. Regah God, veya ta’imon ebiyab ana’itinin i boun 1,000 na’atube naatu kwamur 1,000 ebiyab i boun veya ta’imon na’atube.

Hebrews 10:37

Anayabin, “Orot namih ana veya i na kabom boro’omo natit, boro men narubir.

Luke 2:14

“Marakaw bonamanamarin etei God auyomtoro’ot isan nama, naatu tafaramamaim sabuw iyab God isah ebiyasisir tufuw isah nama.”

Revelation 12:9

Farubarubar gagamin hibai hita’asiy ufun ra’iy, gabarar atamanin wabin Demon o Satan, i boun tafaram tutufin wanawanan sabuw ebobonawiyih kakaf, nati i hibai hitaiy tafaramamaim re ana tounamatar bairi.

Revelation 13:6

Nati ana veya’amaim awan kerer baigigim gagamin maiyow God iu igigim. Wabin auman igigim na’atube ana ma’ama efan naatu sabuw iyab maramaim hima’am auman iuwih igigimih.