Luke 14:11 - Tur gewasin o baibasit boubun

¹¹ Anayabin orot yait taiyuwin i’itin ra’ah, God boro nab haw nayare, baise orot yait taiyuwin i’itin furuw God boro nayara’ah orot gagamin namatar.”

Luke 14:11 Referans Kwoze

Luke 18:14

A tur ao’owen, orot rou’ab yoyoban ufunamaim au bar hinan kabay o’onayan God matanamaim i roumutufuren bai yasisiramaim ana ubar in, men Pharisee. Anayabin orot yait taiyuwin ebobora’ah God boro nab nayare, baise orot babin yait taiyuwin eyayare God boro nayara’ah orot gagamin namatar.”

Matthew 23:12

Orot yait taiyuwin ebobora’ah God boro nayare, naatu orot yait taiyuwin eyayare God boro nabora’ah orot gagamin namatar.

James 4:6

Baise manaw kabeber Godane i gagamin na’in ebitit. Buk Atamaninamaim eo na’atube, “Sabuw bai’o’orotoyah God rukouwih, baise sabuw iyab teyayara’iyih i manaw kabeber ebitih.”

1 Peter 5:5

Orot boub auman au’uwi, regaregah ai’in fanah kwanab. Kwa etei’imak, yara’iyen ana faifuw kwana’us turanah bairi kwanibaibaisbonen kwanabow. Anayabin Buk Atamaninamaim iti na’atube eo, “Sabuw bai’o’orotoyah God men ekokok, baise sabuw iyab teyayara’iyih God i ebibaisih.”

James 4:10

Naatu au’uwi maiye Regah nanamaim taiyuw kwanayara’iyi, Regah boro kwa nabora’ahi.

Luke 1:51

God umanamaim sawar fairih sinaf, naatu uman fairinamaim sabuw bai o’orotoyah hai not wa’iwa’irih etei egugurusen.

Luke 1:52

Aiwob fairih hai ura ma’ama’amaim bow yara’iyih, naatu sabuw hiyara’iyih hima’am bow hiyen efan itih.

Luke 14:12

Imaibo Jesu bar matuwan hairi bay aamih iu nan isan eo, “Auyit o rabirab ana bay inabitab, men o a of, tait bairi a rara ta’imon, taituwa o isusu’ubih, naatu a’ofonah guguw wairafih ina’uwih hinan bairi kwana’aamih. Anayabin o nati na’atube inasinaf, i boro a bay wan hitab hinit inaa.

James 1:9

Kirisiyan orot yait yababan wairafin Regah nabobora’ah isan niyasisir nakawasa.

1 Peter 5:6

Imih kwanayara’iyi God uman fairin babanamaim kwanama, saise i ana veya gewasin nabaib ana maramaim kwa boro nabora’ahi kwanayen.