Acts 13:49 - Tur gewasin o baibasit boubun

⁴⁹ Naatu Regah ana tur ra’at tasasar tit nati bar merar ana fofonin etei hinowar.

Acts 13:49 Referans Kwoze

Acts 19:10

Iti na’atube ma sinaf kwamur rou’ab sawar, naatu sabuw etei nati Asia wanawanan Jew naatu Ufun Sabuw etei Regah ana tur hinowar.

Acts 12:24

Naatu God ana tur ra’at tasasar tit sabuw etei hinowar.

Acts 19:26

Naatu boun iti orot Paul abisa esisinaf i kwa taiyuw matamaim kwa’itin naatu tainimaim kwanonowar, god orot umahimaim tibiwa’an i men kafa’imo godamih.” Tur iti na’atube eo i orot babin moumurih maiyow yah ikitabir. Iti sawar i men Ephesus wanawanan akisin emamatar, baise Asia wanawanan etei kafa’imo nisawar.

Acts 9:42

Tur tasasar tit Joppa sabuw etei hinowar naatu moumurih na’in Regah hitumitum.

Acts 6:7

Naatu God ana tur tuw ra’at. Jerusalem wanawanan sabuw moumurih na’in hitumatum naatu bai’ufununayah hai kou’ay wanawanan hirun kou’ay ra’at, naatu firis oro’orot auman baitumatum hibai.

Matthew 9:31

Baise hairi hitit hin Jesu ana tur hibosemor ra’at, nati tafaram hima’am ana fofonin etei hinowar.

Acts 13:12

Gawan orot abisa matar i’itin i itumatum, anayabin Regah ana bai’obaiyen tur nonowar i ifofofor men kafaita.