Mateo 9:23 - Hiyay Habi nin Dioh boy Genesis boy Ruth

²³ Haanin, ha niabot yaynay Apo Jesus ha baey nan mānguna ha pāytiponan lan Jujudio, nalatngan na hilay ampanigtigan boy hilay ampangandang.

Mateo 9:23 Referans Kwoze

Didiyag 9:39

Ket nakilakew ya met ye Pedro kanla. Ha niabot hilayna ha banwan Jope, inlakew la yay Pedro ha dapit tagay a hilid nin baey a nakaibudolan nin bangkay nan Dorcas. Ket hilay bawon babayi a anti ihtew a ampangandang, hinaleyan la yay Pedro boy impakit la kana ye babado a tinayi nan Dorcas ha angkabi-ay ya po.

Lucas 7:32

Ipadiho ko hila ha aanak a ampikno ha paydagawan a ampanghaan lay kadagaw la, a wanla, ‘Tinigtigan mi kawon pangkahal, noba ahe kawo tinumalek! Kinantaan mi kawon kanta no main natey, noba ahe kawo met tinumangih!’

Mateo 11:17

‘Tinigtigan mi kawon pangkahal, noba ahe kawo tinumalek! Kinantaan mi kawon kanta no main natey, noba ahe kawo met tinumangih!’ ”

Didiyag 20:10

Ket hiyay Pablo, nonaoy ya. Ket nilakew na yan tinakeh. Hinabi na kanlan tatao, “Adi kawo angkahindak, ta angkabi-ay ya.”

Impakit 18:22

Ahe ana mange kana ye tigtigan nin alpa, tamboyok boy plawta boy bihnga lan māgkanta. Homain anan makit kana a mangagaling a mānyag nin hinyaman boy ahe ana met mange ye heneg nin gilingan.