Marcos 12:36 - Hiyay Habi nin Dioh boy Genesis boy Ruth

³⁶ Ket hinabi na met David makauli ha haglap nin Ihpiditon Dioh ye tungkol kanan Cristo, ‘Hinabi nan Apo Dioh kanan Apo ko, “Mikno ka ihti ha dapit wanan ko angga ha mapahuko ko hila kammo ye kakaaway mo!” ’ ”

Marcos 12:36 Referans Kwoze

Hebreo 1:13

Ket agya makanoman, ahe na bega hinabin Apo Dioh ha agya ayaman kanlan aanghil na ye hinabi na kanan Anak na, a wanae, “Mikno ka ha dapit wanan ko angga ha mapahuko ko hila kammo ye kakaaway mo.”

1 Corinto 15:25

Ta hiyay Cristo, ket katapulan a mamoon ya angga ha mahambot na ye kaganaan a kaaway na.

Didiyag 1:16

“Kakatongno ko, katapulan a matupad ye naihulat a Habi nin Dioh a impatanda nan Ihpiditon Dioh makauli kanan Poon David a tungkol kanan Judas a nangibagnoh hatew kanlan nandakep kanan Apo Jesus.

2 Pedro 1:21

Ta hilatin impatanda la ket aliwan ihip nin tao, no aliwan impatanda nan Ihpiditon Dioh kanla.

1 Pedro 1:11

Impatanda na met nin Ihpidito nan Apo Jesu Cristo a anti kanlan popodopita a katapulan yan magdiha nin tubat a pamaidap ye Cristo bayo ya mapadangalan. Kaya-bay pahulong ye pamokitkit la hatew no makano boy no way-omen matupad yatin kaganaan.

Hebreo 4:7

Kaya-bay ha pangalabah nin malabong a taon, nangitaning yayna man ye Apo Dioh nin magha po a mangaamot ta-omen kitawo miabot ha kapainawaan na. Yati ye labay habiyen nin hinabi na a “haanin” ha hinabi nan Apo Dioh makauli kanan David, “Haanin, no mange yo a ampaghabi yay Apo Dioh kanyo, pakaleng-en yoya. Adi yo ampabyangen ye ō yo.”

2 Timoteo 3:16

Hilay kaganaan a naihulat a Habi nin Dioh, ket naihulat ya makauli ha kapalyadiyan nan Apo Dioh. Ket magawi ya ha pangiadal nin kaptegan, pangidlaw kanlan ampanyag nin aliwan huhto, boy pangilmaw ha pagbi-ay a matoynong

Didiyag 28:25

Ket ulita ahe hila napaykahundo, nuli hilayna. Noba bayo hila inumalih, hinabi nan Pablo kanla, “Petegbay ye impahabi nin Ihpiditon Dioh kanan podopitan Isaias kanlan nangaunan tutoa tawo a tungkol kanyo.

Mateo 5:35

Adi yo met an-idamit ye babe-luta, ta yati ye tukdoan nin bibitih na. Boy adi yo met an-idamit ye banwan Jerusalem, ta yati ye banwa nan Makapalyadiyan a Poon.