Lucas 4:2 - Hiyay Habi nin Dioh boy Genesis boy Ruth

² Ket ha loob nin apatapo a mangaamot, antukhoen na yan Satanas. Kananyatew a panaon, ahe yan bega nangan. Kaya-bay nabitlan yaynan tubat.

Lucas 4:2 Referans Kwoze

Hebreo 4:15

Tanda nan pinakapoon tawon padi ye kaganaan a kakapeyan tawo. Ket angkaingalowan na kitawo, ta kaganaan a tukho a angkadihaan tawo, nadihaan na met, noba ahe ya bega nagkahalanan.

Hebreo 2:18

Ulita nangikpe yan pamaidap ye Apo Jesus uli ha tukho, mahaglapan na hila met ye ampagdiha nin tukho.

Juan 4:6

Main met libon ihtew a kinali nan Jacob hatew. Haanin, ulita nabannog yaynay Apo Jesus ha pangumodang na, nikno yan nagpainawa ha haley nin libon. Magaynan ugto kananyatew.

Mateo 21:18

Kabekahan, ha ampag-udong hilayna ha banwan Jerusalem, nabitlan yay Apo Jesus.

Mateo 4:2

Pangayadi nin apatapo a mangaamot a pagpalta nan mangan Apo Jesus, nabitlan yan tubat.

Genesis 3:15

Paykapooten ko yay babayi boy hika. Ket hiyay lahi mo boy hiyay lahi na, paykapooten ko hila met. Hiyay lahi na ye mamokpok nin ō mo, ket tokaen moya met ye boe na.”

Lucas 4:3

Hinabi nan Satanas kanan Apo Jesus, “No peteg a hika ye Anak nin Dioh, diyagen mo man awod a makan yatin dapah.”