Juan 12:13 - Hiyay Habi nin Dioh boy Genesis boy Ruth

¹³ Haanin, nanlahngi hilan papalapa nin takipan. Ket hinagana la yay Apo Jesus. An-ipapangha la, a wanla, “Galangen yay Apo Dioh! Inged na yan Apo Dioh ye anlumateng ha ngalan na! Inged na yay poon nin Israel!”

Juan 12:13 Referans Kwoze

Impakit 15:3

Angkantaen lay kanta nan Moises a māghilbi nan Apo Dioh a hiyay kanta a tungkol kanan Oybon Tupa, “Apo Dioh a makapalyadiyan nin kaganaan, tubat a kapagtakaan ye didiyag mo! Poon ka nin kaganaan a lulugal. Hiyay papadan mo ket kaptegan boy matoynong.

Impakit 7:9

Pangayadi, nakit ko hilay tataon ahe mabilang-bilang uli ha kalabong la. Ibat hila ha kaganaan a nanahyon, lalahi, boy hahabi. Ampideng hila ha adapan nin pamiknoan boy ha adapan nan Oybon Tupa. Nakahoot hilan makadang a maputi boy ampangaget hilan papalapa lilay.

Juan 1:49

Pamakange nan Natanael, hinabi na, “Maihtodo, peteg a hika ye Anak nin Dioh boy hika ye Poon min Israelita.”

Mateo 23:39

Pakaleng-en yon manged ye habiyen ko. Ahe yo koynan makit uman anggan ahe yo habiyen, ‘Inged na yan Apo Dioh ye anlumateng ha ngalan na.’ ”

Juan 19:15

Noba impangha la, a wanla, “Pateyen ya! Pateyen ya! Ipako ya ha kodoh!” Tinepet na hilan Gobilnadol Pilato, “Labay yo nayi a ipapako koya ha kodoh ye poon yo?” Nakibat hilay mānguna a papadi, “Homain kayinan kanayon a poon, no aliwan hiyay Emperador.”

Impakit 19:16

Ha bado na ha dapit paa na, main nakamalka a wanae, “POON A MAKAPALYADIYAN HA KAGANAAN A MANGUNA BOY HA KAGANAAN A MANUNGKOLAN.”

Juan 12:15

“Adi kawo angkalimo, hikawon tatao ihti ha banwan Zion. Bilewen yo! Anlumateng yaynay Poon yon nagmakaaypa a nakahakay ha oybon ahno.”

Mateo 27:42

“Nangiligtah yan kanayon, noba ahe na mababa a iligtah ye hadili na. Aliwa nayi a hiya ye Poon nin Israel? No makalumbah ya ihen ha kodoh, mamteg kayina kana.

Juan 12:14

Hiyay Apo Jesus, nakahakay ya ha maghay oybon ahno a omen ha naihulat a Habi nin Dioh,