Juan 1:3 - Hiyay Habi nin Dioh boy Genesis boy Ruth

³ Hiyay kaganaan, ket impapalhowa nan Apo Dioh kanan Habi. Ket homain hinyaman a napalhowa a aliwan makauli kanan Habi.

Juan 1:3 Referans Kwoze

1 Corinto 8:6

Noba kantawo, mamaghan bengat ye Dioh tawo. Hiyabay ye Bapa a namalhowa nin kaganaan boy angkabi-ay kitawo ta-omen maghilbi kana. Boy mamaghan bengat ye Apo, hiyabay ye Apo Jesu Cristo. Ket napalhowa ye kaganaan makauli kana boy angkabi-ay kitawo makauli kana.

Impakit 4:11

“Apo Dioh a Mānakop mi, hikan bengat ye hukat a mananggap nin panggalang, kadangalan, boy kapalyadiyan. Ta hika ye namalhowa nin kaganaan. Ket makauli ha kalabayan mo, napalhowa boy nabyayan hilan bi-ay.”

Genesis 1:26

Hinabi nan Apo Namalyadi, “Manyag kitawon tao a katuwad tawo. Hilabay ye mamaala nin mamalanghit ha dagat boy mamanokmanok ha luwang boy kaganaan a aayop, hiyay maamo, mahilib, boy andumakap ha luta!”

Juan 1:10

Nakew ya ihti ha babe-luta ye tillag. Agya namalhowa yan kaganaan, ket ahe la yan bega binalay nin tatao.

Efeso 3:9

boy mangipalinaw ha kaganaan a tatao no way-omen na yan itupad ye monikala na. Hiyay Apo Dioh a namalhowa nin kaganaan, ahe na impatanda hatew ye monikala na.

Genesis 1:1

Ha kaunaunaan, pinalhowa nan Apo Namalyadi ye luwang boy babe-luta.

Juan 1:2

Ket impaibat ha unan panaon, lamo na yaynan Apo Dioh.

Hebreo 11:3

Ket uli met ha pamteg tawo, natalohan tawo a pinalhowa nan Apo Dioh ye babe-luta makauli ha Habi na. Kaya-bay kaganaan a babagay a angkakit haanin, ket napalhowa yan ibat ha ahe angkakit.

1 Juan 5:1

Ayaman a ampamteg a hiyay Apo Jesus ye Cristo a intubol nan Apo Dioh, ket anak na yan Apo Dioh. Ket ayaman a ampangado kanan bapa, ket an-adoen naya met ye anak na.

Impakit 3:14

Haanin, imbilin nan Apo Jesus a ihulat koy an-ipahabi na kanan anghil na ha pangkat lan māmteg ha banwan Laodicea. Hinabi nan Apo Jesus, “Yati ye habiyen ko a anhabtan Amin a mapatayaan boy peteg a māmapteg. Hikobay ye nangubayan nin kaganaan a pinalhowa nan Apo Dioh.