Impakit 12:10 - Hiyay Habi nin Dioh boy Genesis boy Ruth

¹⁰ Pangayadi, nange ko ye makhaw a bihnga a ibat ha langit. Hinabi na, “Panaon anay pangiligtah nin Dioh kanlan tatao. An-ipakit nayna ye kapalyadiyan na boy panakop na boy hiyay katulidan nan Cristo na. Ta hiyay ampangidalom kanlan kakatongno tawo ha adapan nan Apo tawon Dioh ha mangaamot boy madeglem, ket napaalih yayna ha langit.

Impakit 12:10 Referans Kwoze

Lucas 22:31

Haanin, hinabi nan Apo Jesus kanan Simon a anhabtan Pedro, “Simon, leng-en mon manged yatin habiyen ko! Hiyay Satanas, nakikwa yan paluboh kanan Apo Dioh a huboken na kawon kaganaan a omen ha pamalohboh ilik.

Impakit 11:15

Haanin, ha pinatnoy nan ikapiton anghil ye tamboyok na, main akon nange a mangakhaw a bibihnga a ibat ha langit a ampaghabi nin wanae, “Hiyay kaganaan a panakopan ha babe-luta, ket naibyay ana kanan Apo tawo boy Cristo na. Mamoon yayna makanoman.”

Mateo 28:18

Haanin, hiyay Apo Jesus, hinumaley ya kanla. Ket hinabi na, “In-ibyay nayna kangkon Bapa ko ye kaganaan a kapalyadiyan ha langit boy ihti ha babe-luta.

Impakit 2:26

“Ayaman a manambot boy pahulong a ampanumbong ha kalabayan ko anggan kalampuhan, ket biyan ko yan katulidan a mamoon nin nanahyon

2 Corinto 12:9

Noba hinabi nan Apo kangko, “Ahe magkulang ye kangedan ko kammo. Ta no makapey ka, ket luboh yan makit ye kapalyadiyan ko.” Kaya-bay maaliket ko yan an-ipagmayadet ye kakapeyan ko ta-omen ya mikakaanti kangko ye kapalyadiyan nan Cristo.

Lucas 11:2

Hinabi nan Apo Jesus kanla, “No makigwang kawo, wanae ye habiyen yo, ‘Bapa min Dioh, galangen laka dayin kaganaan a tatao. Apo, hakopen mo kayinan kaganaan.

Mateo 26:64

Nakibat yay Apo Jesus kana, “Hinabi moyna! Ket yati ye habiyen ko kanyon kaganaan. Hiko a ibat ha langit a in-Anak nin Tao, makit yoko a ampikno ha dapit wanan nan Makapalyadiyan a Dioh. Boy ha pag-udong ko, makit yoko ha owep a an-umaypa a ibat ha langit.”

Mateo 6:10

Apo, hakopen mo kayinan kaganaan. Matupad dayi ye kalabayan mo ihti ha babe-luta a omen ha langit.

Tito 2:3

Ket hilay tutoan babayi met, babalaan mo hilan magbi-ay a matoynong bilang māmteg nan Apo Dioh. Adi hila ampandama boy adi hila māglahing, no aliwan mangiadal hilan kangedan

Impakit 7:10

An-ipangha la, a wanla, “Galangen yay Apo Dioh a ampikno ha pamiknoan boy galangen ya met ye Oybon Tupa, ta inligtah la kayi ha kapaduhaan.”

1 Pedro 5:8

Pakahidi boy mag-alla kawo! Ta hiyay Satanas a kaaway yo, ket ampanapul yan tataon damaen na. Ba-mo yan liyon a ampan-engel a ampanapul nin amoyoken na.