Hebreo 2:13 - Hiyay Habi nin Dioh boy Genesis boy Ruth

¹³ Hinabi na po Apo Jesus, “Pataya ako kanan Apo Dioh.” Ket hinabi na po, “Anti ko ihti a kalamo lan aanak nan Apo Dioh a impataya na kangko.”

Hebreo 2:13 Referans Kwoze

1 Corinto 4:15

Malabong hilay ampangalingay kanyo ha pamteg yo kanan Cristo. Noba agya mapo a libo ye māngalingay yo, ket mamagha yan bengat ye bapa yo ha pamteg. Ket hiko yatew, ta hiko ye unan nangipatanda kanyo nin Manged a Balita a tungkol kanan Cristo.

Juan 10:29

In-ibyay na hilayna kangkon Bapa ko a pinakamakapalyadiyan. Ket homain ana met makahamham kanla kana.

Genesis 48:9

Hinabi nan Jose kanan bapa na, “Hilabay ye aanak ko a in-ibyay nan Apo Namalyadi kangko ihti ha Egipto.” Hinabi nan Israel, “Ihaley mo hila kangko ta-omen ko hila inged.”

Genesis 33:5

Ha nakit na hilan Esau ye babayi boy aanak, tinepet na yay Jacob, “Aya hilayatin kalamo mo?” “Yabay-in hilaynay aanak a in-ibyay nan Apo Namalyadi kangko, kaka,” wanan Jacob.

Mateo 27:43

Napataya ya kanan Apo Dioh boy anhabiyen na a hiyabay ye Anak nin Dioh. Higi man awod, bilewen tawo man no peteg a iligtah na yan Apo Dioh haanin.”