Genesis 19:21 - Hiyay Habi nin Dioh boy Genesis boy Ruth

²¹ Hinabi nin magha kanlan luway anghil, “Higi, ihtew kawoyna makew. Ahe koyna apoen yatew a banwa.

Genesis 19:21 Referans Kwoze

Hebreo 2:17

Kaya-bay katapulan a mianak yan tao a omen kanlan kakatongno na ta-omen na kitawo mahaglapan. Ket ha wanabay, mag-ilyadi yan pinakapoon tawon padi a mapangingalo boy mapatayaan. Ket bilang pinakapoon tawon padi, hiyabay ye māmietan kantawo kanan Apo Dioh. Inhagpa nay hadili na bilang pambeh ta-omen hiyabay anay mapaduhaan, ket mapatawad ye kakahalanan tawo.

Lucas 11:8

Hinabi nan Apo Jesus kanla, “Habiyen ko kanyo, agya po man mitagayyem kawo, ahe na kan imataen. Noba ulita mauplit ka, imataen na kan teed ta-omen na ibyay ye ampakikwaen mo kana.”

Mateo 12:20

Hilay tataon mangakapey ye pamteg la, ket pakhawen na hila. Boy hilay angkaalihan nin kahigudowan, ket angkalingayen na hila. Ahe ya tumgen anggan ahe na maipanambot ye katoynongan.

Genesis 18:24

Alimbawa, main 50 a mangatoynong a tataon angkumonin ihtew a banwa. Apoen mo po nayi yatew a banwa? Ahe mo nayi kalunohan yatew a banwa, uli kanlan 50 a mangatoynong a tatao?

Genesis 12:2

Pakalabongen koy lalahi mo boy diyagen ko hilan maghay angkabalitaan a nahyon. Inged kata boy diyagen kon angkabalitaan ye ngalan mo, ket makauli kamo minged hilay kanayon a tatao.

Genesis 4:7

No manged ye dinyag mo, kinumaimeng ka dayi. Noba no maloke ye dinyag mo, mag-alla ka. Ta hiyay kahalanan ket ba-mo yan matubag a ayop a lanang ampangiapa kamo ta-omen naka kayaten. Noba katapulan a labanan moya boy hamboten ye kahalanan.”

Genesis 19:20

Bilewen mo yay makandin banwa ha dongla. Mababa kon aboten yain, ulita mahaley yan bengat. Malyadi nayi Apo a yatew anan bengat ye payewen ko ta-omen ako maligtah?”

Genesis 19:22

Mayew kawoynan makew ihtew, ulita homain akon madyag legan ahe kawo po miabot kananyatew a banwa.” Kaya-bay hinabtan yan Zoar yatew a banwa, ulita hinabi nan Lot a makandi yan banwa.