Didiyag 12:15 - Hiyay Habi nin Dioh boy Genesis boy Ruth

¹⁵ “Hi! Angkaengew kayna laweh?” wanla kanan Roda. Noba man-ipilit na, “Petegbay a anti yay Pedro ihtew.” Kaya-bay hinabi la kanan Roda, “Yeh, maka anghil nan Pedro yatew.”

Didiyag 12:15 Referans Kwoze

Mateo 18:10

“Pakahigudowen yon adi yo anyamo-yamoen ye agya magha man kanlan hilain a aanak. Pakaleng-en yon manged yatin habiyen ko. Hilay aanghil a ampagbantay kanla, ket anti hilan anti ha adapan nan Bapa kon Dioh ha langit.

Didiyag 26:24

Legan ampaghabi ya po ye Pablo nin pangikatulidan nan hadili na, impangha nan Gobilnadol Festo, a wana, “Angkaengew kayna, Pablo! Uli ha tubat a tinanda mo, nadama anay utek mo.”

Lucas 24:11

Noba hilay aapohtol nan Apo Jesus, ahe hila namteg, ta nabaan la a palbowat lan bengat babayi ye anhabiyen la.

Marcos 16:14

Ha ahe nabuyot, legan ampangan hilay labinmaghan mānumbong, napakit ya met kanla ye Apo Jesus. Ket pinaghabiyan na hila, uli ha ahe la pamteg boy kabyangan nin ō la, ta ahe la pinamtegan ye hinabi lan nagpakitan na a nabi-ay yaynan uman.

Marcos 16:11

a angkabi-ay yay Apo Jesus boy napakit ya kana. Noba ahe la yan pinamtegan.

Genesis 48:16

Inged na hila met dayin anghil a nangiligtah kangko ha kaganaan a nakabiliyan ko. Makauli kanlan hilatin aanak, ket maihipan lako dayin tatao boy hiyay ngalan lan Abraham boy Isaac a tutoa ko, boy malabong lano dayi ye lalahi la ihti ha babe-luta.”

Lucas 22:59

Pangalabah nin maghay odah, an-ipilit na met nin magha kanla, “Peteg a yatin tao, kalamo na yan Jesus, ta taga Galilea ya met!”

Didiyag 12:16

Noba hiyay Pedro, ampanadoktok ya po ateed. Kaya-bay nilukatan lay ilwangan nin alad. Pamakakit la kanan Pedro, nagtaka hilan tubat.