Sofoni 3:2

1998 Haïtienne

Yo pat koute Senyè a. Yo pat pran pinisyon Bondye a pou anyen. Yo pat mete konfyans yo nan Senyè a ankò, yo pat vin mande Bondye yo a konsèy ankò.

Referans Kwoze

Jeremi 22:21

Mwen menm, Senyè a, mwen te pale nou lè zafè nou t'ap mache byen. Men, nou te derefize koute m. Se sa n'ap fè depi tout tan. Nou pa janm vle koute sa m'ap di nou.

Jeremi 5:3

Senyè, mwen konnen se moun ki p'ap twonpe ou w'ap chache! Ou frape yo, sa pa fè yo anyen. Ou kraze yo, yo derefize aprann. Tèt yo di kou wòch. Yo derefize tounen vin jwenn ou!

Jeremi 32:33

Yo vire do ban mwen. Malgre mwen pat janm sispann montre yo sa pou yo fè, yo pat vle koute m, yo pa vle aprann.

Jeremi 2:30

Mwen te pini pitit nou yo, men sa pat sèvi anyen. Nou pat dakò pou m te korije nou! Tankou lyon ki fin wè mò, nou rale nepe nou yo, nou touye pwofèt nou yo.

Ezayi 43:22

Senyè a di: — Men se pa mwen menm nou te sèvi, nou menm fanmi Jakòb yo! Nou menm pèp Izrayèl la, nou te bouke avè m.

Ezayi 29:13

Senyè a di: — Lè moun sa yo ap fè sèvis pou mwen, se pawòl nan bouch! Y'ap louvri bouch yo pou fè lwanj mwen, men lespri yo byen lwen. Si y'ap mache di yo gen krentif pou mwen, se pawòl granmoun lontan moutre yo y'ap repete lè konsa.

Pwovèb 5:12

Lè sa a, w'a di: Poukisa mwen pat vle kite yo rale zòrèy mwen?

Sòm 78:22

paske yo pat gen konfyans nan Bondye, yo pat kwè li ta kapab delivre yo.

Sòm 73:28

Mwen menm, sa bon nèt pou m rete bò kote Bondye: Se nan Senyè a mwen jwenn pwoteksyon. M'a fè konnen tou sa li fè.

Sòm 50:17

Nou pa vle kite m korije nou. Nou derefize obeyi kòmandman mwen yo.

Sòm 10:4

Mechan yo tèlman gonfle ak lògèy, y'ap mache di: — Bondye p'ap pini nou. Yo menm di pa gen Bondye. Se sa ase mechan yo met nan tèt yo.

Neyemi 9:26

Men, yo rete konsa, yo vire do ba ou, yo fè wondonmon. Yo pran lalwa ou la, yo voye l jete dèyè do yo. Yo touye pwofèt ou te voye ak mesay pou ba yo avètisman pou yo te ka tounen vin jwenn ou. Se pa ti kras manke yo te manke ou dega!

Ebre 10:22

Ann pwoche bò kote Bondye ak tout kè nou, ak yon konfyans byen chita, san nou pa gen anyen nan kè nou ki pou boulvèse konsyans nou, kò nou menm byen netwaye nan yon dlo byen pwòp.

Ezekyèl 24:13

Jerizalèm, lawouj la se vye malpwòpte ou t'ap fè nan libètinay ou yo. Mwen te sòti pou m te mete ou nan bon kondisyon, men ou pa rive fin nan bon kondisyon an nèt. Se poutèt sa, ou p'ap janm nan bon kondisyon ankò toutotan mwen pa fè ou santi tou sa mwen ka fè ou nan kòlè mwen.

Jeremi 35:17

Se poutèt sa, men sa mwen menm, Senyè a, Bondye ki gen tout pouvwa a, Bondye pèp Izrayèl la, mwen di nou: Mwen pral voye sou moun peyi Jida ak moun lavil Jerizalèm yo malè mwen te di m'ap voye a. Paske mwen te pale nou, nou pa koute m. Mwen rele nou, nou pa reponn mwen.

Jeremi 35:13

Men sa Senyè ki gen tout pouvwa a, Bondye pèp Izrayèl la, di l: — Ale jwenn moun peyi Jida yo ansanm ak moun ki rete lavil Jerizalèm yo, w'a di yo: Poukisa yo pa pran leson sou moun Rekab yo, pou yo fè sa mwen di yo fè. Se mwen menm Senyè a k'ap mande yo sa.

Ezayi 31:1

Madichon pou moun k'ap desann peyi Lejip al chache sekou! Yo mete konfyans yo nan chwal, nan kantite cha lagè, nan fòs sòlda kavalye. Yo pa dòmi reve Bondye pèp Izrayèl la ki yon Bondye apa. Yo pa chache pwoteksyon bò Senyè a.

Ezayi 1:5

Poukisa n'ap plede fè tèt di konsa? Pa gen kote ankò pou nou pran kou. Tèt la malad, tout rès kò a ap soufri.

Pwovèb 1:7

Krentif pou Bondye, se premye baz konesans. Moun fou pa konn valè konesans. Yo pase sa nan rizib.

2 Timote 3:16

Tou sa ki ekri [ nan liv la ] se Bondye ki enspire yo. Yo itil pou moutre verite, pou konbat erè, pou korije, pou moutre jan pou viv dwat.

Jeremi 13:25

Senyè a di: Men sa k'ap tann nou. Men sa mwen deside fè nou paske nou te bliye m, nou te al mete konfyans nou nan fo bondye.

Ezekyèl 22:24

— Ras Adan! W'a di moun Izrayèl yo, yo rete nan yon peyi ki gen madichon. Wi, lè m'a move sou yo, yo p'ap jwenn yon ti degout lapli.

Ezayi 9:12

Peyi Lasiri sou bò solèy leve, peyi Filisti sou bò solèy kouche, y'ap devore pèp Izrayèl la ak gwo koutdan. Men, se poko sa toujou! Se atò Senyè a move. Li poko fin regle ak yo.

Sofoni 1:6

M'ap detwi tout moun ki vire do ban mwen, ki pa koute pawòl mwen yo, ki pa vin mande m konsèy ankò.