Paske mwen menm, mwen se Senyè a, Bondye nou an. Se Bondye pèp Izrayèl la ki yon Bondye apa. Se mwen menm k'ap delivre nou! Pou m te ka delivre nou mwen te bay peyi Lejip, peyi Letyopi ansanm ak peyi Seba a nan plas nou.
Senyè a move, l'ap vini ansanm ak sòlda ki pral fè sa li ba yo lòd fè a. Y'ap sòti byen lwen nan lòt peyi ki nan dènye bout latè pou yo vin ravaje tout peyi a.
Senyè a di: — Madichon pou peyi Lasiri! Paske l'ap tankou yon baton nan men mwen pou m' pini pèp la. M'ap sèvi ak pouvwa ki nan men li an pou m' fè pèp la wè jan mwen ankòlè.
Mwen pral bay ponyèt wa Babilòn lan fòs, m'ap mete nepe pa m lan nan men l. M'ap kase tou de ponyèt farawon yo. Li pral rakle, li pral soufri anpil, li pral mouri devan lènmi l lan.
Lanne yo te pran lavil Asdòd la, Senyè a di konsa: — Ezayi, sèvitè m lan, te rete toutouni pye atè pandan twazan. Sa se yon siy ak yon avètisman pou sa ki pral rive peyi Lejip ak peyi Letyopi.
