Sofoni 1:9

1998 Haïtienne

M'ap pini tout moun k'ap fè sèvis tankou lòt nasyon yo. Wi, jou sa a, m'ap pini tout moun k'ap vòlò, k'ap fè gwo ponyèt sou moun pou yo ka plen tanp zidòl yo ak sa yo vòlè.

Referans Kwoze

1 Samyèl 5:5

Se poutèt sa, jouk kounyeya, ni prèt Dagon yo ni moun k'ap antre nan tanp Dagon an lavil Asdòd, lè yo rive devan pòtay la, yo sote papòt la, yo pa janm pile li.

Amòs 3:10

Yo pa konn jan pou yo fè sa ki dwat devan Bondye. Se mwen menm, Senyè a, ki di sa. Yo plen kay yo ak bagay yo pran nan vòlò ak nan sasinen moun.

Travay 16:19

Lè mèt sèvant lan wè yo te pèdi tout espwa fè lajan ak tifi a, yo mete men sou Pòl ak Silas, yo trennen yo sou plas piblik la devan otorite yo.

Pwovèb 29:12

Lè yon chèf renmen tripotay, se mechan ase k'ap sèvi avè l.

Neyemi 5:15

Gouvènè ki te la anvan m yo te konn ap peze pèp la: chak jou yo te konn pran karant pyès an ajan pou pen ak diven. Ata moun ki t'ap travay avèk yo te konn ap peze pèp la tou. Men mwen menm, mwen pat fè sa, paske mwen te gen krentif Bondye.

Jij 19:27

Nan maten, nonm lan leve, li louvri pòt pou li soti. Li fè sa pou li ale fè wout li. Li wè madanm lan blayi atè devan kay la ak de men li lonje devan papòt la.

Jeremi 5:27

Menm jan chasè yo plen kalòj yo ak zwazo, konsa tou, yo plen kay yo ak sa yo vòlò. Se sa ki fè yo grannèg, yo rich konsa.

Miche 6:12

Moun rich nan lavil la ap peze pòv malere yo. Yo tout se yon bann mantò: Bonjou yo pa laverite!

Zakari 5:6

Mwen mande l: — Kisa l ye? Li reponn mwen: — Se yon panyen. Se peche moun yo ap fè nan tout peyi a ki ladan l.