Sofoni 1:7

1998 Haïtienne

Jou pou Senyè a vin jije a pa lwen rive! Se pou tout moun pe bouch yo devan Senyè a. Senyè a ap pare pou li fè gwo sèvis pou touye bèt. Li chwazi moun l'ap envite yo.

Referans Kwoze

Abakik 2:20

Senyè a prezan nan Tanp li mete apa pou li a. Se pou tout latè nèt fè silans devan li.

Zakari 2:13

Se pou tout moun pe bouch yo devan Senyè a, paske l'ap sòti kote ki apa pou li a, l'ap vin delivre nou!

Sofoni 1:14

Wi, gwo jou Senyè a pa lwen rive. Sa pral yon gwo jou vre. Li pa lwen rive. L'ap rive byen vit. Jou sa a, sa pral rèd nèt! Ata sòlda ki pi vanyan yo pral rele anmwe.

Jeremi 46:10

Paske, sa se jou Senyè ki gen tout pouvwa a. Se jou revanj li. Li pral tire revanj li sou lènmi l yo. Nepe li pral touye yo jouk li pa kapab ankò. Li pral bwè san yo jouk vant li plen. Se jou y'ap touye bèt yo ofri pou Senyè a, Bondye ki gen tout pouvwa a, nan nò, bò larivyè Lefrat.

Ezayi 34:6

Nepe Senyè a pral benyen ak san yo tankou san mouton ak san bouk yo touye pou li. Li pral kouvri ak grès tankou grès wonyon belye yo touye pou li. Yo pral fè yon ofrann bèt pou Senyè a lavil Bozra. Yo pral fè yon gwo masak nan peyi Edon.

Ezayi 13:6

Nou mèt plenyen kont kò nou, paske jou Senyè a pre rive! Bondye ki gen tout pouvwa a pral vini pou l devaste tè a.

Matye 22:4

Lè sa a, wa a voye lòt sèvitè, li di yo: Ale di envite yo manje a pare. Mwen gentan fè touye towo bèf mwen yo ak lòt bèt gra mwen yo. Tout bagay pare. Vin nan resepsyon an.

Jowèl 2:31

Solèy la pral vin tou nwa, lalin lan pral vin wouj kou san anvan jou Senyè a va rive. Aa! Se va yon gwo jou, yon jou k'ap fè moun tranble.

Ezayi 2:12

Wi, jou sa a, se va jou Senyè a, Bondye ki gen tout pouvwa a! L'ap fè tout moun ki t'ap gonfle lestonmak yo bese je yo gade atè ansanm ak tout moun ki t'ap fè awogan yo ak tout grannèg yo.

1 Samyèl 16:5

Samyèl di: — Wi se pou byen nou. Mwen vin fè yon sèvis ofrann bèt pou Senyè a. Ale mete nou nan kondisyon pou fè sèvis pou Bondye. Apre sa, n'a vin avè m nan sèvis la. Li te mande Izayi ansanm ak pitit li yo pou yo te mete yo nan kondisyon pou fè sèvis pou Bondye tou. Lèfini, li envite yo nan sèvis ofrann bèt la tou.

Malachi 4:1

Gade! Jou a ap vini: Pral fè cho anpil tankou nan yon fou. Tout awogan yo ansanm ak tout mechan yo pral boule tankou pay chèch. Se Senyè a menm ki di sa. Wi, jou sa a, y'ap boule nèt san kite tras.

Amòs 6:10

Lè yon fanmi moun mouri a va vin pran kadav la andan kay la pou l'al antere l, l'a pale ak moun ki nan fon kay la, l'a mande: Eske gen moun la ankò ak ou? Yon vwa va reponn: Non, pa genyen. Lè sa a, l'a di: Pe bouch nou! Pa nonmen non Bondye nan bagay sa a!

Jowèl 2:11

Senyè a alatèt lame li L'ap pase lòd. Lame a anpil, yo gen fòs Y'ap fè sa li ba yo lòd fè. Ala yon gwo jou se jou Senyè a! Se yon jou pou moun pè tout bon vre. Ki moun ki va rete kanpe apre jou sa a?

Ezekyèl 7:10

Men jou malè a rive sou nou. Nou pral fini nèt! Baton nan dèyè nou! Lwijanboje yo toupatou!

Ezekyèl 7:7

Sa pral fini nèt pou nou tout ki rete nan peyi a. Lè a ap pwoche, jou a pa lwen ankò lè p'ap gen kè kontan sou mòn yo. Se pral yon gwo kouri.

Ezayi 6:5

Mwen di: — Nanpwen sove pou mwen! Jòdi a m'ap mouri vre! Paske tout pawòl ki sòti nan bouch mwen se move pawòl. Epi m'ap viv nan mitan yon pèp ki pa janm gen bon pawòl nan bouch li. Lèfini, mwen wè Wa a, Senyè ki gen tout pouvwa a, avèk pwòp je m.

Kolosyen 1:12

Ak kè kontan, se pou nou di Papa a mèsi, li menm ki ban nou privilèj resevwa pòsyon pa nou nan eritaj Bondye sere pou tout moun pa l yo nan peyi limyè a.

Filipyen 4:5

Se pou tout moun konnen nou se moun ki gen bon kè. Senyè a ap vini anvan lontan.

Women 9:20

Monchè, pito ou mande: kisa m ye pou m ap diskite ak Bondye konsa? Pran yon krich: eske krich la ka pale ak moun ki fè l la pou l mande l: Poukisa se konsa ou fè m?

Women 3:19

Nou konnen egzijans lalwa se pou moun ki anba lalwa. Konsa, pa gen eskiz ki pou sòti nan bouch pèsonn: tout moun antò devan Bondye.

Sòm 46:10

(11) Li di: — Rete la! Sispann goumen! Konnen se mwen menm ki Bondye. Se mwen k'ap donminen sou tout nasyon yo. Se mwen k'ap donminen sou tout latè.

1 Samyèl 20:26

Jou sa a, Sayil pat di anyen, paske li t'ap di nan kè l: Se yon bagay ki dwe rive l. Li pa nan kondisyon pou fè sèvis pou Bondye. Sèten, li pa nan kondisyon vre pou l sèvi Bondye.

Jòb 24:1

Poukisa Bondye ki gen tout pouvwa a pa fikse yon dat pou li jije tout moun, yon jou pou li rann tout moun k'ap sèvi l yo jistis?

Ezayi 13:3

Se mwen menm, Senyè a, k'ap bay sèvitè m yo lòd! M'ap rele tout vanyan sòlda mwen yo, tout moun pa m yo ki gen kè kontan, k'ap mache tèt anlè, pou yo pini moun k'ap fè m fè kòlè yo.

Ezayi 29:2

Senyè a pral voye yon sèl lafliksyon sou lotèl Bondye a. Moun pral rele, yo pral plenn. Lavil la pral tounen yon lotèl Bondye tout bon kote y'ap ofri bèt yo touye pou li.

Ezayi 34:5

Nan syèl la, nepe Senyè a mande san. Men l'ap desann sou peyi Edon an pou l pini moun mwen menm, Senyè a, mwen te kondannen pou mouri.

Jowèl 1:15

Ala yon gwo jou papa! Jou Senyè a pa lwen rive. Se jou Bondye ki gen tout pouvwa a ap vini kraze brize. Jou sa a ap bay gwo lapenn.

Amòs 8:3

Jou sa a, se p'ap chante ki va gen nan palè a, se va rèl. Se Senyè a menm ki di sa. Va gen anpil kadav toupatou. Y'a voye yo jete san di krik.

Zakari 14:1

Gade! Men jou jijman Senyè a ap rive! Jou sa a, yo pral piye lavil Jerizalèm. Yo pral separe tou sa yo pran ladan li la devan je nou.