Sofoni 1:10

1998 Haïtienne

Se mwen menm Senyè a k'ap pale toujou. Jou sa a n'a tande gwo rèl bò Pòtay Pwason nan lavil Jerizalèm. N'a tande moun ap plenn byen fò nan katye nèf lavil la. N'a tande yon gwo deblozay pete sou ti mòn yo.

Referans Kwoze

2 Kwonik 33:14

Apre sa Manase bati yon miray byen wo sou deyò lavil David la, sou bò solèy kouche, bò sous Giyon an. Miray la pran depi nan ravin lan, li pase bò Pòtay Pwason yo, li fè wonn Ofèl la. Manase mete yon kòmandan nan tout lavil peyi Jida yo ki gen gwo ranpa.

Amòs 8:3

Jou sa a, se p'ap chante ki va gen nan palè a, se va rèl. Se Senyè a menm ki di sa. Va gen anpil kadav toupatou. Y'a voye yo jete san di krik.

2 Wa 22:14

Se konsa Ilkija, prèt la, Akikam, Akbò, Chafan ak Asaja al kay Oulda, yon pwofèt fanm ki te rete nan katye yo te fenk bati lavil Jerizalèm lan. Oulda sa a se te madanm yon nonm yo rele Chaloum, pitit Tikva, pitit pitit Aras ki te reskonsab rad seremoni yo. Mesye yo di Oulda sa ki te rive.

Neyemi 3:3

Moun branch fanmi Sena yo rebati Pòtay Pwason yo. Yo plante gwo poto pòtay yo nan tè, yo moute batan yo, yo mete kwòk ak gwo ba pou fèmen pòtay yo.

Sofoni 1:15

Jou sa a pral yon jou dechennen, yon jou lafliksyon ak kè sere, yon jou kraze brize, yon jou k'ap fè nwè kou lank, yon jou van ak gwo nyaj nwa ap plen syèl la.

Sofoni 1:7

Jou pou Senyè a vin jije a pa lwen rive! Se pou tout moun pe bouch yo devan Senyè a. Senyè a ap pare pou li fè gwo sèvis pou touye bèt. Li chwazi moun l'ap envite yo.

Jeremi 39:2

Sou nevyèm jou nan katriyèm mwa, onzyèm lanne reny Sedesyas la, lènmi yo fè yon twou nan miray ranpa a.

Jeremi 4:31

Mwen tande yon rèl, tankou rèl fanm ki gen tranche, rèl fanm k'ap fè premye pitit li. Se rèl moun lavil Jerizalèm yo k'ap chache pran souf. Y'ap lonje men yo. Y'ap rele: — Anmwe! Nou pa kapab ankò! Men y'ap fin touye nou.

Ezayi 59:11

N'ap wouke tankou chen, n'ap plenn tankou bourik anba chay. N'ap tann Bondye pou l pran defans nou. Bichi! N'ap tann li vin delivre nou. Anyen menm!

2 Kwonik 32:22

Se konsa Senyè a te delivre Ezekyas ak tout moun lavil Jerizalèm yo anba men Senakerib, wa peyi Lasiri a, ak anba lòt lènmi yo. Li fè yo viv san bri san kont ak tout peyi nan vwazinay yo.

2 Kwonik 3:1

Salomon tanmen bati Tanp Senyè a lavil Jerizalèm sou mòn Morija a, kote Senyè a te parèt devan David, papa l, sou anplasman David te pare pou sa a, ki vle di kote Onan, moun Jebis la, te gen glasi l la.

2 Samyèl 5:9

Apre sa, David al rete nan gwo fò a, li rele l lavil David la. Lèfini, li bati lòt kay fè wonn fò a, depi sou teras la rive bò palè a.

2 Samyèl 5:7

Men, David pran gwo fò ki te sou tèt mòn Siyon an. Se li yo rele lavil David la.

2 Kwonik 34:22

Se konsa, Ilkija ansanm ak lòt mesye wa a te chwazi yo al kay Oulda, yon pwofèt fanm ki te rete nan katye yo te fenk bati lavil Jerizalèm lan. Oulda sa a te madanm yon nonm yo te rele Chaloum, pitit Tokeyat, pitit pitit Asra a, ki te reskonsab rad yo sèvi nan Tanp lan. Yo esplike Oulda tou sa ki rive.

Neyemi 12:39

Apre sa, nou pase anwo pòtay Efrayim lan, anwo vye Pòtay la, anwo Pòtay Pwason yo, sou kote Fò Ananeèl ak Fò Meya a jouk nou rive bò Pòtay Mouton yo. Nou rete bò Pòtay Gad Tanp lan.

Ezekyèl 6:13

Kadav yo pral gaye nan mitan zidòl bò lotèl yo, sou tèt tout ti mòn yo, sou tèt tout gwo mòn yo, anba pyebwa plen fèy vèt yo, anba gwo bwadchenn yo, kote yo te konn boule bèt yo ofri pou fè zidòl yo plezi ak bon sant yo. Lè sa a, y'a konnen se mwen men ki Senyè a.