AmaHubo 130 - IBHAYIBHELI ELINGCWELE

Umkhuleko wokuthethelelwa nokukhululwa

Igama lokukhuphuka.

¹ Ngikhala kuwe Jehova ngisotweni phansi.

² Nkosi, yizwa izwi lami; izindlebe zakho mazilalele izwi lokuncenga kwami.

³ Uma wena Jehova uqaphela iziphambeko, Nkosi, ngubani ongema na?

⁴ Kepha ukuthethelela kukuwe, ukuze wesatshwe.

⁵ Ngiyalindela uJehova, umphefumulo wami uyalinda; ngiyalethemba izwi lakhe.

⁶ Umphefumulo wami uyalindela iNkosi kunabalindi belindela ukusa.

⁷ U-Israyeli makamethembe uJehova, ngokuba umusa ukuJehova, nokukhulula okuningi kukuye.

⁸ Uyakumhlenga u-Israyeli eziphambekweni zakhe zonke.