Yunus 3 - Tuntu i mPue ri Basa Taa

Sarita Mangkonong Palaong to Mawali Tempo i Yunus Yau Njo’u Niniwe

¹ Wali yako etu i Pue Yawe manganto’oka wo’u resi i Yunus kadua ngkaninya, Ia manganto’o,

² “Pakajoli, inta njo’u kota Niniwe, kota to bae etu. Rata nja’u ria, pakarebaka resi sira anu to Aku roomo manganto’oka korom seore.” Etu semo to to’oka i mPue Yawe resi i Yunus.

^3-4 Wali i Yunus ia mampalaika gombo i mPue Yawe etu pei yau njo’u kota Niniwe. Rata nja’u ria, ia masua ri kota etu. Wali kota etu bae kojo, see naka ane tau masua ri kota pei malinja yau njo’u sambalinya, togo eo kasaenya panewa rata nja’u sambali ngkota etu. Wali i Yunus malinja seo kasaenya ruyu panewa ia mula mampakarebaka tau mampatiendoka sira, ia manganto’o, “Jamo opo mpuyu eo kasaenya kota Niniwe si’i darapakaja’aka yaumo!” Etu semo to nato’o i Yunus mamparata resi sira patiendo i mPue Allah.

⁵ Wali ojo pangandonge nto Niniwe gombo i mPue Allah to naparata i Yunus etu, sira mangaya kojo gombo etu. Wali sira mangansaleka yunu nsira samba’a pei samba’a manganto’o, “Anu kita mangorop ruyu.” Pasi samparia sira, nempo to kodi angganya pasi to bae angganya, nempo ngana mayunu pasi tau to bose tu’a, sira mamposunsuka pake to raika yako kain karu. Sira mangika samparia palaong to etu mangika tondong kasoso ndaya nsira.

¹⁰ Wali i Pue Allah mangkita palaong to naika nsira etu. Pasi Ia mangkita sira roomo mangandolika tango nsira yako ri lengkonya to maja’a, see naka Ia mamporayang sira. Wali Ia mambali songkaNya pei taa mampakaja’aka yau sira.