Yesaya 9 - Tuntu i mPue ri Basa Taa

Mangkonong Makole to Darata

⁵ Wali kita damasanang apa re’e samba’a Ana to darapoanaka to damangansawang kita. Ia Ana langkai to nawaika i mPue Allah resi kita. Wali Ia semo to damawali Makole ngkita. Ia darasangaka i Pu’u mPaposia to PalaongiNya Taa Kojo Rapobiasa. Pasi Ia rasangaka seja i Allah to Maroso, pasi i Pa’a to Singkasaenya, pasi i Makole to Mangawai Posingkatao. Samparia to etu paka sanga nu Ana langkai to danawaika i mPue Allah kita.

⁶ Wali tare pandoonya kuasa nu Makole etu, kanjo’u-njo’u kabae-bae kuasaNya etu. Pasi kasanang to Ia mangawai taa seja re’e kapuranya rataka ri singkasaenya. Wali Ia damaporenta mangabolos bueNya, i Makole Daud, to tempo owi, pei damampolasaka paporenta nu bueNya etu. Wali Ia damampasilonga panewa mampakaroso muni paporentanya etu yako tempo si’i rataka ri singkasaenya. Ia maya mampakaroso muni paporentanya etu apa Ia pande kojo mangika botu pasi samparia to Ia mangika paka kono kojo. Wali i Pue Yawe anu Makuasa, Ia mamporayang kojo tauNya, wali see naka matantu kojo Ia damangawaika kita i Makole to damampakaroso porentanya etu.