Ulang 34 - Tuntu i mPue ri Basa Taa

Sarita Mangkonong Kapate i Musa

¹ Wali yako etu i Musa ia mampiyaika yununya to Israel la’u pada to lempe to rato’oka Moab pei mandake nto’u Tongku Nebo. Tongku etu taa longko kojo yako ri kota Yeriko. Wali ia mandake nto’u tongku etu rata ndate rapanya to rato’oka Pisga. Ojo karata i Musa ndate ria, i Pue Yawe mampapokitaka ia juku tana Kana’an. Wali ia mangkita yako lipu to rato’oka Gilead to ri pu’u ntongku kandatenya etu rata nja’u kota Dan to longko kojo ri tondo utara.

² Pasi ia mangkita samparia tana to danakaroos nto Israel to wiyaa i Epraim pasi Manasye. Pasi ia mangkita seja samparia tana to danakaroos ntau to wiyaa i Yehuda. Tana etu rata nja’u tasi to longko ri tondo kasoyo nu eo.

³ Roo see ia mangkita seja pada bone to ri tondo selatan, pada bone etu rato’oka Negeb. Pasi ia mangkita seja lemba to mula yako kota Soar jela ri kota Yeriko. Wali kota Yeriko etu malagi kaju wai.

⁴ Wali ojo karoonya i Pue Yawe mampapokitaka i Musa samparia tana Kana’an etu, Ia manganto’oka i Musa, to’oNya, “Tana etu, etu semo tana to Aku roomo mamparajanjika resi i Abraham, i Ishak pasi i Yakub tempo owi. Tempo etu Aku mamparajanjika kojo damangawaika tana etu resi wiyaa nsira. Wali Aku re’e mampapokitaka korom tana etu, pei korom taa damangawote koro Yordan damasua nja’u ria.” Etu semo to nato’oka i mPue Yawe i Musa.

⁵ Wali yako etu i Musa, to papolaong i mPue Yawe, ia mate yau ri tana Moab etu. Palaong etu mawali singkonong kojo ewa wimba nato’oka yami i mPue Yawe seore.

⁹ Wali i Yosua ia roomo naokotaka i Musa seore mangabolos i Musa mangkapalang yununya to Israel. See naka bae kapande to nawaika i Nosa i mPue i Yosua etu. Wali tau Israel, sira mangalulu i Yosua, singkonong ewa wimba to nato’oka i mPue Yawe resi i Musa seore.