Posuwunya 2 - Tuntu i mPue ri Basa Taa

Sarita Tempo Pampoana i Musa

¹ Wali ri tempo tau Israel napowatua nto Mesir etu, tempo etu re'e samba'a to langkai to wiyaa i Lewi, wali ia mangoko samba'a tau we'a to yako wiyaa i Lewi seja damawali indo nu ananya.

² Yako etu sira dua riana. Wali rata wo’u temponya tau we'a etu mawali mayu'u wo’u, panewa ia mampoanaka ana langkai. Pei ia mangkita ananya etu maroro kojo, see naka ia mangansayaka togo mbuya kasaenya naka ne’e ia darapopate yau ewa porenta i Makole Mesir.

³ Pei ojo kagananya togo mbuya, ana etu tamo maya rasayaka wo'u. Wali indonya mangoko karanji to raika yako ira ntiu, panewa ia mangoko aspal to mapuyu pei mampuyutika ri koro ngkaranji etu see taa masua ue. Roo see ia mampoduli ana kodi etu ri rayanya panewa mamposaka ri wawo nue ri oyo mpandawo’o ri towo nue Nil.

⁴ Wali tempo ana kodi etu raposaka ri ue, tukaka nu ana kodi etu to we'a makore nja'u longko mangalo'aka bara kesaa damawali resi ana etu.

⁵ Wali yako etu ma’i ana i Makole to we'a, ma’i damandiu ri koro Nil etu. Pasi re'e seja bara sawei mba'a to papolaonginya to we'a to mangalulu ia. Wali to papolaonginya etu malinja-linja ri towo nue etu. Pei tempo ana i Makole mandiu, ia mangkita karanji ri oyo mpandawo’o ri wawo nue. See naka ia mampokauka to papolaonginya samba'a yau mangoko. Wali to papolaonginya yau mangoko karanji etu pei mangkeni resi ana i Makole.

⁶ Panewa ana i Makole mangoko karanji etu pei mangua pei ipu rayanya mangkita ana kodi ri rayanya, ana etu ana langkai. Ana kodi etu tumangi-mangi. Wali ana i Makole mamporayang ana kodi etu pei manganto'o, “Ana kodi si'i ana nto Ibrani.”

⁷ Wali tempo etu tukaka nu ana kodi etu ia yau resi ana i Makole pei mampotanaka resi ia, ia manganto'o, “Wimba, bara nuporoe ngkomi ane aku yau mangalo’aka komi samba'a tau we'a nto Ibrani damamposusu ana etu?”

⁸ Wali ana i Makole mangansono, ia manganto’o, “Matao.” Wali tukaka nu ana kodi etu yau mangalo’a indonya.

⁹ Ojo karatanya indo nu ana kodi etu, ana i Makole manganto'oka ia, “Keni yau ana kodi si'i pei posusuka aku, panewa aku damangabayar korom.” Wali indo nu ana etu mangkeni muni ananya njo’u banuanya pei mampiara ana etu nja’u ria.

¹⁰ Wali yako etu, ojo kabaenya sangkodi ana etu, indonya mangkeni muni ia resi ana i Makole. Wali ana etu mawali yau ana potuwu nu ana i Makole etu. Wali ana i Makole mangansangaka ana etu i Musa. Ia manganto'o, “Sanganya i Musa apa ia isoremakangku yako ri ue.”

Sarita Tempo i Musa Miyai njo'u Tana Midian

¹¹ Wali yako etu i Musa ia baemo. Tempo ia baemo, re’e seore ia mako yau yako ri banua i Makole etu, yau damangalo'aka tau to samba’a bansa pei ia, etu semo to Ibrani. Wali ojo karatanya nja’u tampa nakare’e nsira, i Musa mangkita sira napakasaaka nto Mesir mangika palaong to mabeu. Pasi ia seja mangkita samba'a to Mesir mangantidas samba'a to Ibrani.

¹² Wali ojo pangkita i Musa tau to mangantidas tau Ibrani etu, panewa ia mangalo'aka ri pipinya bara re'e tau to yusa mangkita. Pei tare tau to yusa mangkita, wali i Musa mampopate yau tau Mesir etu panewa ia mampongkeli yau ri raya bone. Roo see panewa ia yau muni njo’u banuanya.

¹³ Yako etu, ojo ka'eonya wo’u rao, ia yau wo'u njo’u tampa to nakare’e nto Ibrani etu. Ojo karatanya nja’u ria, ia ipu rayanya mangkita apa re’e dua mba'a tau paka to Ibrani tongo mpatingkanya. Wali i Musa mampotanaka resi tau to uyunya mangantidas yununya etu, ia manganto’o, "Maka pei komi paka to Ibrani pei matingka?"

¹⁴ Pei tau etu mangansono, ia manganto’o, "Gete, tare tau to mangokotaka korom naka pei korom maya mangkuasang pasi mangabotus kami! Wimba, korom bara rani seja mampopate yau aku ewa nuika ngkorom mampopate yau to Mesir wengi?" Etu semo to nato’o nto Ibrani etu resi i Musa. Wali ojo pangandonge i Musa gombo ntau etu, ia meka rayanya. Ia mampobuuka, "Gete! Nansanimo ntau palaong to inikangku wengi etu."

¹⁵ Wali yako etu i Makole mangandonge seja kareba mangkonong to Mesir to napopate yau i Musa etu, see naka ia mangaliwu jaya damampopate yau i Musa. Pei palaong etu taa mawali apa i Musa miyai yau yako ri tana Mesir yau njo'u tana Midian. Wali ojo karata i Musa ri tana Midian etu ia maroo-roo nja'u ria. Wali ri rayanya ia maroo-roo ri tana Midian etu, re'e seore ia mangarata samba’a sumur to la’u ue, wali ia matunda-tunda ri awe nsumur etu.

¹⁶ Ri tempo ia matunda-tunda etu ma'i pitu mba'a ngana we'a, paka ana i Yitro. I Yitro etu, ia to pampue ri tana Midian etu. Wali sira pitu ma'i ri sumur etu damampoinuka bembe pasi domba mpa'anya ue. Sira damansangku ue mangabanang tampa nue to biasa napanginu nu binatang nsira ue etu.

¹⁷ Pei tempo sira rata nja'u ria, rata seja to pangkampang domba to yusa pei mangarubak yau ngana we'a etu. Wali i Musa makore pei mampasimbalika ngana we'a to pitu etu. Roo see ia mampapoinu binatang nsira.

¹⁸ Wali yako etu ngana we'a to pitu etu mawolili muni resi pa'a nsira, i Yitro, to rato'oka seja i Rehuel. Wali i Yitro mampotanaka resi sira, ia manganto’o, "Maka pei komi majoli ma'i muni seo si'i?"

¹⁹ Wali sira mangansono, sira manganto'o, "Re'e samba'a to Mesir to mampasimbalika kami. Ia mangarubak yau to pangkampang domba to yusa, panewa ia mansangku ue pei mampoinu binatang ngkita."

²⁰ Wali i Yitro mampotanaka wo'u resi ananya etu, "Imbamo tau etu? Maka pei komi mampiyaika yau ia? Inta to'oka ia ma'i mangkoni resi kita." Wali ngana we'a etu yau mangansale i Musa yau ri banua nsira.

²¹ Wali i Musa yau mangkoni ri banua nsira. Roo see ia lindom nja’u ria, see naka ia maroo resi i Yitro sira sana. Yako etu i Yitro mampasiwaka i Musa pasi ananya, i Sipora.

²² Roo see Sipora mawali mayu’u panewa ane ratamo temponya, ia mampoanaka samba'a ana langkai. Wali i Musa manganto’o, “Anangku si’i aku mangansangaka i Gersom, apa aku roomo mawali yau tau to rata ri tana ntau to yusa." Etu semo to nato’o i Musa.

²³ Wali yako etu, malagi nto'uwa i Musa maroo ri tana Midian panewa i Makole Mesir mate yau. Pei tau Israel tiroo napowatua nto Mesir, see naka mandasai kojo naepe nsira apa saba palaong to mabeu kojo to naika nsira. See naka sira sakaboo marapi sawang. Wali loo nsira nadonge i mPue Allah.

²⁴ I Pue Allah mangandonge sira saka’ao, pasi Ia mangendo parajanjiNya resi i Abraham, i Ishak, pasi i Yakub.

²⁵ Pasi i Pue Allah mangkita seja kasesa ntau Israel anu napowatua nto Mesir etu, pasi Ia mamporayang sira.