Pomulanya 2 - Tuntu i mPue ri Basa Taa

Sarita Mangkonong Eo to Kapitu

¹ Wali ewa wetu semo naika i mPue Allah mampapowali yangi pasi lino pasi samparia bananginya. Samparia palaongiNya etu rapakaroo ri rayanya ono eo etu.

² Wali see naka ane ratamo eo kapitu i Pue Allah mandoo yako palaongiNya, wali tamo re’e palaong to inikaNya apa samparia palaongiNya etu roomo Napakaroo.

³ Wali i Pue Allah mampasisala eo kapitu etu pei mampakabae batuanginya. Ia manganto’o eo etu Iaja puenya. Naka pei Ia manganto’o ewa wetu apa ri eo etu semo Ia mandoo yako samparia palaong to inikaNya tempo Ia mampapowali samparia anu to re’e.

⁴ Wali etu semo sarita mangkonong tempo i Pue Yawe, etu semo i Pue Allah, nampapowali yangi pasi lino. Wali tempo i Pue Yawe mampapowali yangi pasi lino,

Sarita Mangkonong Bonde ri Tana Eden Pasi Ewa Wimba Naika i mPue Yawe Mampapowali Tau

⁵ tempo Ia owo mangika tana, tempo etu taware bara kesaa to tuwu yako ri tana etu apa taware tau to mapalaong reria. Pasi tempo etu i Pue Yawe tawa seja re’e mantudumaka uja ri lino.

⁶ Ojo re’e limu mupu tioretaka yako ri tana to mangarinis ri wawo ntana etu.

⁷ Wali yako etu i Pue Yawe Ia mangoko awu ntana pei yako ri awu ntana etu Ia mangika samba’a tau langkai. Panewa ojo pangikaNya tau etu, Ia mangansinoataka nosaNya ri engo ntau etu see ia datuwu. Ewa wetu naika i mPue Yawe mampaponosa tau etu.

⁸ Wali yako etu i Pue Yawe mangika bonde nja’u tana to rato’oka Eden, to tondo ri mata nu eo. Panewa nja’u ria pampasakaNya tau inikaNya etu.

⁹ Wali nja’u bonde etu i Pue Yawe re’e mampapotuwu mpangaya-ngaya kaju to matao ta’anya pasi to manami wuanya. Pasi ri tongo nu bonde etu tuwu sampu’u kaju to rato’oka kaju to mangawai katuwu. Naka pei rato’oka ewa wetu apa tau to mangkoni wua ngkaju etu, tau etu datuwu singkasaenya. Pasi re’e seja nja’u ria sampu’u kaju to rato’oka kaju to mampakanasaka tau anu to matao pasi anu to maja’a, apa tau to mangkoni wua ngkaju to etu tau etu damangansani kojo anu to matao pasi to maja’a. Wali etu semo kaju to re’e ri tongo nu bonde etu.

¹⁰ Pasi re’e seja sangkaju ue to maili yako ri Eden pei mangarinis bonde etu. Panewa ojo kapolasinya yako ri bonde etu, ue etu maga’a opo mpanga.

^11-12 Sampanga to uyunya sanganya koro mPison. Ue etu maili ngkewanya juku ri tana Hawila. Nja’u tana Hawila etu re’e weyawa to magaya kojo, pasi re’e seja soga to matao waunya pasi watu-watu to magaya kojo ta’anya.

¹³ Wali sampanga ue to kadua sanganya koro Gihon. Ue etu maili ngkewanya juku ri tana Kus.

¹⁴ Pasi sampanga to katogo sanganya koro nTigris anu maili tondo mata nu eo ri tana Asyur. Panewa sampanga to kaopo sanganya koro Efrat.

¹⁵ Wali i Pue Yawe mangkeni tau langkai to inikaNya etu pei mamposaka ia ri bonde ri Eden etu see ia damampasilonga pasi damangkampang bonde etu.

¹⁶ Roo see i Pue Yawe mamporentangika tau langkai etu, Ia manganto’o, “Samparia ngayanya wua ngkaju ri bonde si’i paka maya nukoni ngkorom. Tare to taa maya rakoni

¹⁷ kasimbalinya wua ngkaju to yako ri kaju to mampakanasaka tau anu to matao pasi anu to maja’a. Ne’e mangkoni wua ngkaju to etu, apa ane wua ngkaju etu pei nukoni ngkorom, ri eo nupangkoni wuanya etu, monso-monso korom damate.” Wali etu semo porenta i mPue Yawe resi tau langkai etu.

Sarita Mangkonong Ewa Wimba Naika i mPue Yawe Mampapowali Tau We’a

^18-19 Wali yako etu i Pue Yawe magombo wo’u mangkonong tau langkai etu to sanganya i Adam, Ia manganto’o, “Taa matao ane tau langkai si’i ojo ia ngkalionya, wali see naka Aku damangikaka ia samba’a yunu to masipato mangansawang ia.” Etu semo songka i mPue Yawe, pei ri katawanya Ia mangika palaong etu Ia mangkeni ruyu samparia binatang pasi samparia tonsi to Ia roomo mangika yako ri awu ntana. Samparia binatang pasi tonsi etu Ia mangangkeni resi tau langkai see ia semo damangansanga. Wali i Adam ia mangansanga samparia binatang pasi tonsi. Pasi sanga to iwaikanya resi binatang pasi tonsi samba’a pei samba’a ri tempo etu, etu semo sanganya.

²⁰ Wali ewa wetu naika i Adam mangansanga samparia binatang nempo to yole pasiwa to maila, pasi ia mangansanga seja samparia tonsi njo’u rao. Pei tempo ia mangika palaong to etu ia taa kojo mangarata nempo samba’a yunu to masipato mangansawang ia.

²¹ Wali see naka i Pue Yawe mampakayore yau i Adam etu see ia yore leta kojo. Panewa tempo ia yore etu i Pue Yawe mangayali yau sambensi wuku usunya, pei ri waka nu wuku usunya etu Ia mangabombongika muni wombo.

²² Wali yako wuku usu nto langkai inoko i mPue Yawe etu, Ia mangika samba’a tau we’a. Roo see Ia mangkeni resi i Adam.

²³ Wali ojo pangkita i Adam tau we’a etu, ia manganto’o, “O gete! Si’i yunungku to masipato kojo apa ia wukunya yako ri wukungku pasi ia wombonya yako ri wombongku. Ia darato’oka tau we’a apa ia raika yako tau langkai.” Etu semo to nato’oka i Adam.

²⁴ Wali etu semo sabanya naka pei tau langkai damampiyaika pa’anya pasi indonya pei dasiwaka pei tau we’a to mawali indo nu ananya. Wali to langkai pasi to we’a etu damawali samboko.

²⁵ Wali tempo etu tau samboko etu paka lambe pei nempo ewa see sira dua taa mangepe mea samba’a pei samba’a.