Pombilang 21 - Tuntu i mPue ri Basa Taa

Sarita Mangkonong Ule Tambaga

⁴ Wali yako etu, tau Israel mampolasaka palinja nsira yako nja'u Tongku Hor. Sira mangalulu jaya tondo lo'u Tasi Miaro apa mantalidik tana Edom. Pei ri raya mpalinja nsira etu sira mawali mosam apa mandasai nepenya ri jaya.

⁵ Wali sira sakambumbu, mangkambumbuka i Pue Allah pasi i Musa. Sira manganto'o, “Maka pei komi mangkeni yau kami yako la'u tana Mesir? Kami ojo damate yau ri pada bone si'i apa tare pangkoni pasi taa seja re'e ue. Pasi kami mosam mangkoni pangkoni mayoli si'i.” Etu semo gombo nsira mangkambumbuka i Pue Yawe pasi i Musa.

⁶ Wali i Pue Yawe mangahuku tau to mangkambumbuka Ia etu. Ia mampokau malagi ule to kayangu ngisinya yau damangantungku sira, wali malagi sira to mate yau natungku nu ule etu.

⁷ Ojo pangkita ntau boros palaong to etu, sira majea pei yau manganto'oka i Musa, to’o nsira “Gete, kami madosa kojo apa kami mangkambumbuka i Pue Yawe pasi komi. Wali pokai-kai resi i Pue Yawe see Ia damangayali yau ule si’i yako resi kami.” Etu semo to naporapika nsira resi i Musa. Wali i Musa mampokai-kaika sira etu.

⁸ Wali i Pue Yawe manganto'oka i Musa, “Ika samba'a ule yako tambaga pei pasaka ule etu ndate woto ntinja see maya nakita ntau boros. Wali i sema pura tau to natungku nu ule to kayangu ngisinya, tau etu taa damate yau ane ia mangalo'aka re’e ule tambaga etu.” Etu semo to nato’oka i mPue Yawe i Musa.

⁹ Wali i Musa mangika ule yako tambaga etu panewa mamposaka ndate woto ntinja. Wali yako etu monso pu’u i sema tau to natungku nu ule to kayangu ngisinya etu, ane ia mangalo’aka re’e ule tambaga etu, ia taa mate.