1 Samuel 9 - Tuntu i mPue ri Basa Taa

¹⁶ Wali yako etu, re’e seo i Pue Yawe manganto’oka i Samuel, Ia manganto’o, “Aku re’e mangkita kasesa to narata ntaungKu to Israel. Pasi Aku re’e mangandonge pokai-kai nsira marapi sawang. Wali see naka nile, bara tempo ewa si’i semo, Aku damampokau samba’a tau yako ri suku Benyamin, to dama’i resi korom. Wali tempo ia rata resi korom etu, korom damampalasika minya nsaitun resi ia mangika tondong to mampakanasaka resi taungKu, to Israel, ia semo to damawali makole to damamporentang sira. Wali ia damampalaes sira yako resi to Pilistin to mangansesai sira.” Etu semo to nato’oka i mPue Yawe i Samuel.

¹⁷ Wali ojo kaeonya wo’u rao, ratamo temponya to nato’o yami i mPue Yawe, wali ratamo tau to napokau i mPue Yawe etu. Tau etu sanganya i Saul. Wali tempo i Samuel mangkita i Saul etu, tempo etu i Pue Yawe manganto’oka ia, to’oNya, “Lo’aja tau etu, ia semo tau to Aku mampaponsanika yami korom wengi. Wali ia semo to damawali makole damamporentang taungKu.” Wali etu semo to nato’oka i mPue Yawe i Samuel mampakanasaka ia mangkonong tau to ipilisiNya mawali makole.