1 Samuel 11 - Tuntu i mPue ri Basa Taa

Sarita Mangkonong Tempo i Saul Mawali Makole nto Israel

¹⁴ Wali yako etu i Samuel manganto’oka yununya to Israel, ia manganto’o, “Anu kita samparia yau njo’u lipu to rato’oka Gilgal. Nja’u ria kita damangalulu ada ngkita see mampakatantu i Saul ia semo to mawali makole ngkita.

¹⁵ Wali sira samparia yau njo’u Gilgal, panewa rata nja’u ria sira mangalulu ada nsira to mampakatantu i Saul ia semo to mawali makole nsira. Pasi sira seja mangika pampue to biasa naika nsira tempo mampakatantu tau mawali bae pangkanya. Pampue etu mawali tondong sira seja paka masanang resi tau to napilis i mPue Yawe etu. Wali samparia palaong to etu sira mangika nja’u Gilgal ri pangkita i mPue Yawe. Wali bae kojo kandende ndaya i nSaul nja’u ria, pasi samparia yununya to Israel to langkai ndende seja raya nsira sindara-ndara pei ia.