1 Samuel 8 - Toba del Oeste

Gaa'me Israel laje'pi jetaque qoya'uo ga'me lejaliaĝane'j

¹ Male 'yaĝaicachigui ca'li ñe'me Samuel, qama'le yanema daa'me lajoĝola'te gaa'me Israel laje'pi jogaa'me c'oqo'te.

² Ga'me 'uaeñe c'oĝot jo'ne lenaĝat Joel, ñe'me c'oĝot laqaya jo'ne Abías, nach'enaua neteda'ña di'me Beerseba nach'e ena'am nejaliaĝatedelegue di'me Israel.

³ Qalaĝaja ñaa'me c'oqo'te ja eda'am ga'me loec ñe'me let'a', maq joda'me jetaque degueja ga'me yauata, yacoteguet da'me lecochita ga'me 'uo ga'me yanegue, ja yauote da'me chimaqachiñe.

⁴ Jouaĝat da'me dojo', jogaa'me 'yaĝaicachidi Israel laje' male dajotegue di'me Ramá qaedi dojedapegue' ñe'me Samuel.

⁵ Eetac ga'me 'laqata'j: «Da'me am male am 'yaĝaicachigui, gaa'me ac'oqo'te ja eda'am da'me adoec. Qama'le 'noota ta'le aua'uo ga'me jaliaĝanec qaedi qo'mi nejaliaĝatelo'te, ena'am ga'me yauote naa'me ale'u lael.»

⁶ Qama'le ñe'me Samuel ja 'yamaqaten da'me yiyaĝatedaque ga'me lejaliaĝane'j, qama'le ya'uo ga'me netamenaĝac, netamenot ñe'me Jaliaĝanec.

⁷ Qama'le ñe'me Jaliaĝanec 'yateguet: «Anaquiaĝanalo, aua'uo ga'me yiyaĝatedaque jogaa'me jiyaĝadipi. Ja naqa'am da'me jetaque am 'yota'n, dite joda'me jayem, qaedi ja ñejaliaĝatelo'te.

⁸ Chiyoĝoguet jo'me nolo' ca'li ñaqatedegue di'me Egipto, chayovida'a nayi, da'me jayem etede'ec, jouaĝat da'me jayem yaĝadiñe, e'n gaa'me qop'iyapegalo yate'm nale ga'me lemaĝa'j.

⁹ Chane'eja aua'uo ga'me lejaliaĝane'j jo'ne yiyaĝatedaque. Qalaĝaja yataqata auayatenaĝanaĝaneque ga'me ya'uo qomle ga'me jaliaĝanec.»

¹⁰ Qama'le Samuel 'yaĝatema gaa'me jiyaĝadipi ga'me 'laqatac ñe'me Jaliaĝanec,

¹¹ qama'le eetac: «Dojo' da'me auañiya qomle 'uo ga'me jaliaĝanec jo'ne ami nejaliaĝatelo'te: yiyaĝanalo gaa'me ac'oqo'chedi' qaedi uo'oe gaa'me e'n yelo'tegueta gaa'me cadeeta jo'ne nalada't lo'o; uo'oe gaa'me e'n lo'ol gaa'me pe'ga; uo'oe gaa'me e'n mach'e neteleta joñe'me;

¹² uo'oe gaa'me lajoĝola'te jo'ne mil gaa'me coicopi; uo'oe gaa'me e'n lajoĝola'te gaa'me cincuenta coicopi; uo'oe gaa'me e'n t'onataĝadelegue ga'me 'naleua; uo'oe gaa'me e'n napo'j ga'me lanec; uo'oe gaa'me e'n ye't gaa'me 'neuoĝonaqa'te choqogaa'me loĝoje'te gaa'me cadeeta jo'ne nalada't lo'o.

¹³ Nataq'aen 'yonataĝanaĝa'n gaa'me ac'oqo'cheldi' e'n ye't ga'me yoĝoqui jo'ne davioĝon, uotaĝa e'n uojaĝael, nataq'aen uo'oe gaa'me e'n pan lo'ol.

¹⁴ Doĝotaĝanec qomle ga'me a'naleuai jo'ne onaĝaic choqoga'me onaĝaic jalayaĝac ga'me adaniqui, qama'le yanema gaa'me nejoĝonaqa.

¹⁵ Nataq'aen qonecolaĝachiñi ga'me lae ga'me adaniqui qama'le yanema gaa'me nejoĝonaqa choqogaa'me lejaliaĝanaqa gaa'me coicopi.

¹⁶ Nataq'aen doĝotaĝaneque gaa'me adalemaĝaje'chidi' choqogaa'me alodi' jo'ne 'noe'n, gaa'me uaca choqogaa'me ajenadi, qaedi 'yonataĝanaĝa'n.

¹⁷ Nataq'aen e'n loqote jaga'me lae jaga'me 'nanaĝatelpi, chayovida'a ami da'me a'uonataĝañiuo'o.

¹⁸ Ga'me nolo' qomle ja a'uamaqachiñe ga'me jaliaĝanec jo'ne mach'e adiquiyaqui, male ñe'me Jaliaĝanec Dios ja ami 'te yoqocha'alo.»

¹⁹ Qalaĝaja gaa'me jiyaĝadipi ja yoqochideta ga'me 'yaĝatema ñe'me Samuel, enapega't: «Dojo' ja yaqalan. Jetaque 'uo ga'me qadejaliaĝanec,

²⁰ qaedi jenaqa'ama gaa'me noyaqa laqaya' nataq'aen qo'mi nejaliaĝatelo'te nataq'aen nach'ega qadejaliaĝanec nale 'uo ga'me nalada't.»

²¹ Yem da'me domachiya ga'me 'laqata'j gaa'me jiyaĝadipi, ñe'me Samuel 'yiyelaĝatelegue da'me t'aqataĝanem ñe'me Jaliaĝanec Dios.

²² Ñe'me Jaliaĝanec 'yateguet: «Anaquiaĝana ga'me yiyaĝatedaque, aua'uo ga'me lejaliaĝane'j.» Chane'eja Samuel yamaĝadeuo gaa'me Israel laje'pi, e'n yec'atapegalo naa'me noyaqa 'me chiyaqapeguelo.