Wiyaegü 131 - Tupanaarü Ore

Cori ya Tupanaaxü̃́ tayaxõ

¹ Pa Cori Pa Tupanax, choma rü tama chaugü chicua̱xüxü̃ rü tama chauxetümaxã togüétüwa chaugü chaxǘxẽxẽ. Rü tama naxca̱x chadau i ngẽma taxü̃ i mexü̃gü i taxucürüwa choxü̃́ ngẽxmaxü̃.

² Natürü chachianemare rü ñoma wüxi i buxü̃ i maiwa nüxü̃ rüchauxü̃ i naéchacüxü caxü̃rüxü̃ charümeweemare. Rü ngẽmaãcü wüxi i buxü̃ i ngexwaca maiwa rüchauxü̃rüxü̃ chixĩ.

³ Pa Iraétanüxü̃x, name nixĩ i ñu̱xma rü guxü̃guma Cori ya Tupanaarü ngü̃xẽxẽ ípenangu̱xẽxẽ.