Kem Lingón 54 - Udél Dwata: Gna Kesfasad ne Lomi Kesfasad

Lingón Dabid

¹ Ó Dwata, hol lenwaem ou mlan bè boluyem. Hol hegfanem yóm klaen dù salau hlanem bè kegbekem.

² Hnungolem yóm hnihu, Dwata, henklinguhem yóm monu.

³ Nundug le ou yó kem tau alì hegmón. Nalu hnatay le ou yó kem tau alì mò sidek yó, kem tau laen dù nawa le ebè Dwata.

⁴ Okóm Dwata se yóm gel tmóbóng dou. Dwata se yóm hlowil dou.

⁵ Hol bud mulék eta yó kem hohonu he yóm sidek atul le. Lemwót bè yóm là konol nawahem béléu, Dwata, hol nmoem són le.

⁶ Dsuu ebéléem, Dwata, yóm dsù tódô lemwót bè dou nawa. Dóyónu uu lemwót bè yóm tey kehyuhem.

⁷ Yakà deng lenwaem ou bè kdê yó kem gfau, ne deng tódô ton matahu yóm klaen dù gmò yó kem hohonu.