Kehewà 36 - Udél Dwata: Gna Kesfasad ne Lomi Kesfasad

¹ Duhen yó, deng wen kenhulung ne ketngón blay Dwata kul le Bisalil ne Uhuliyab ne yó kem dumu tau anì hulung le mò du yóm kdê wen muhen bè yóm kmò le du yóm Gónô Dwata gel nit le mógów. Bè yóm kmò le du yóm kdéen, tódô ulit le bè yóm deng hlolò Dwata kul.

Yóm alì kwen ngom nwit yó kem tau Israél mò blay le bè yóm kehdà le yóm Gónô Dwata

² Yó nmò Musis, tnabahen le Bisalil ne Uhuliyab ne kdê yó kem dumu tau deng wen kenhulung blay Dwata kul, kem tau wen óyô le hol tmóbóng ne yó monen mò kul, “Nbut ye ne mò du yóm Gónô Dwata gel nit kuy mógów.”

³ Ne gotu blay Musis kul yóm kdê deng blay yó kem tau Israél mò ngom yóm Gónô Dwata nmò le yó. Bede yó kem tau Israél, tódô ket hlafus le seflós mit du ebè Musis yó kem gel blay le mò ngom yóm Gónô Dwata.

⁴ Lemwót yó kem tau wen kenhulung le mò nmò yó, mógów le ebè Musis

⁵ ne mon le mò du, “Tey deng glukas bè yóm hmò Dwata kum yóm deng nwit yó kem tau.”

⁶ Yó gónó Musis hemwit tulón ebè klamang kamfù le anì laen dù tau bud bemlay ngom bè kehdà le du yóm Gónô Dwata nmò le. Tahu se, laen dù tau bud mit ebè yó.

⁷ Yó kem ngom gna nwit le botong glukas bè kehdeng le du yóm Gónô Dwata nmò le. Là gomongen bè nili tsaptér 36:8 efet kól bè 39:43. Yó tulónen yóm kmò le yóm Gónô Dwata ne yó kem kay ngom nô lemen. Bud tulónen yóm kmò le du yóm nes yóm tau mò blóng le ebè Dwata.