Yowel 3 - NQAARIIT NE ROOG

Xan o Yaal oxe a fudin Yiif um took no wiin we fop

¹ «Cinj kaaga, xam fudniid Yiif le mi took no wiin we fop. Xa ƥiy xa koor axe fo xa tew axe nuun xan a njo’tanaxam, nogoy we nuun a ƭaaɗaa, soo xa pes axe nuun a nga’aa, a mbeeñooxeel.

² No ñaal kaaga, xam fudniid Yiif es took no faɗ we sax, goor fo rew.

³ Xam lalit comlaand na asamaan fee fo took lanq ke, ta ref po’oy fo fiɗel fo fo suun olaa fi’na a eel.»

⁴ Boo ñaal maak saɗarnooxu ne no Yaal oxe a helko fo garaa, xan njeeƈ ne a suptoox o niɓaan, soo o nqool onqe a suptoox fo’oy.

⁵ A koom, oxuu ƴufginoorna gon le no Yaal oxe, xan a muc. Ne o Yaal oxe a laytuuna, xan a jeg waa ndaɗna took o joong ole Siyoŋ, waa mucna kam Yeerusaleem. Den ndefu we o Yaal oxe a xoyna.