HINI UWASI-BIADRCIMOWA ya-sfadoci MAFIYO 22 - Hini Uwasi-u-Biadrcimowa 1929

¹ Chena Jesise rpvfsa macimi u kvlolvhi nuhgi pamrtu-wawanv,

² Hini wafapvh-kvmigigi ugimrwi-drmqa nr-nakuti ugimv si tvqa-lamaqvtwi, mviac-fatv-wrtv u qihfvli wechadewi wihfanci-gawa,

³ chena u wrwenvhi ut vlolrkvnhi wvhsi utvhpimr-wrci nihi yasi vlvno-fulici ini wechadewi wihfancigawa : macimi mvtv wesv biahi nihi.

⁴ Nuhgi u wrwenvhi kutvkhi vlolrkvnhi, Wrpvtv-muku, ni macfatu ni tanvlewa; nit rxine-mvki macimi ni wa-lvqe-mvki nfaqeki, chena jrivhki wiahi macfanwi : birku ini wechadewi wihfancigawa-nagi, ilahku nihki ya-lvno-fucki, isiwa.

⁵ Pvyaqv nihki u lrga-latvudo-nrwv ini, macimi wapfaki ya-hrwrci, nakuti nahvlwrkv u gitigr-nagi hawv, nuhgi nakuti u wedgewa-nagi;

⁶ chena nihki mvisi-nrlatv u mvwinvcdr-kuhi ut vlolrkvnhi, chena u taqau-panvlr-wvhi, macimi u nfr-wvhi nihi.

⁷ Pvyaqv inv ugimv wivkuwa; chena u ta laskv-wvhi u svmrkvna-mhi, chena u nfvhi iuhumv nr-nsi-walici, macimi u fvgfvmv-wvhi u dawa-nilici.

⁸ Hina uwa, Macfanwi ini wechadewa, pvyaqv nihki ya-lvnofucki nodqalamakufeki.

⁹ Nhrkuna gelvwv waciganvhi nili tvh be-pgawaniki nili myawvli, macimi goqa tfwi ga mkvwrwrki, ini wechadewi wihfancigawa si vlvnahku, u talvhi ut vlolrgrfhi.

¹⁰ Macimi iuhkumv vlolrgrfvki nili si luhfaki, macimi u mrwvtunrwvhi jrivhki ya-tfwi mkvwrwrci, nayeswalanv wa-nrtafilici chena wa-uwasi-ilafilici : macimi ini wechadewa uqih-fadota ya-lvnofucki.

¹¹ Pvyaqv inv ugimv iah biaci becfrci wvhsi nawrci nihi ya-lvnofulici, u nawrli ntvsi ba-bur betanigalici we-chadewi betanikv :

¹² Wihgrnimv, nahiwa gi tasi utvhfv si becfv mvtv gi bonv wechadewi-betanikv? u talrli. Macimi inv rlwi kvlvwi.

¹³ Hina uwa inv ugimv, Gjepilahku ulaci macimi ufici, macimi ini frgici si luhfa pvgilahku lr papagicv; ntvsi wa vhdawi ini wihfvqawa macimi ini ya-tvlwawahfagi wepitvli, u talvhi nihi vlolrgrfhi.

¹⁴ Xvga maci wihkumofoki, pvyaqv mrtwe-mahi mvmofoki.

¹⁵ Hina uwa nihki Palaseki wapfaki, macimi tapuwaki wvhsi manvwv’ pathvnrwrci nili u kvlvwewa-nagi.

¹⁶ Chena nihki u ta laskv-mvwrwrli u kvgahgimrfamwvhi, weci nihi Haladefhi, Ga-gahgimiwa, ni wrkudrpa yasi gelv mvyrwi ilafivni, chena kvgah-gimiwaivni ini u myawi Mvnatu dabwawa-nagi, macimi bur mvkufalamvci wiyafv : xvga mvtv wiah’ gi ta laladrnv u wayrnwv ilaneki.

¹⁷ Wetvmvwinrga wa-ciganvhi, Nahiwa gi tasi taha? Hv mvyrwvtwi kutaladewa-nagi wvhsi melofuci daxewi muni Sesv, walr tuga mvtv? iwvki.

¹⁸ Pvyaqv u molalatvmvwvhi Jesise u wvnrtafewa-nilici, macimi, Gociwa ki kutvh-kuwrsipwv, gelvwv naluhci-lvwiwahf eki?

¹⁹ Wrpvtasiku ini daxewi muni, isiwa. Macimi u biatvwrwrli nakuti tanalivs.

²⁰ Chena Nafvwa u geshowa yomv macimi u lspvwigrfowa? u talvhi.

²¹ Sesv welv, u takuhi. Hina uwa inv, Patagi melahku waciganvhi Sesv nili wiahi Sesv wa-welrmici; macimi Mvnatu nili wiahi Mvnatu wa-welrmici, u talvhi.

²² Chena ina nihki iah notvmuwrci ini, cihfafeki, macimi u nvkvlrwrli nili, chena wapfaki.

²³ Hina grsagigi ntvsi utfakuhi Satusihi, yasi bur vhdagi rpafewi-unsgrwa yr-wvki nihki : macimi u nvtuhdrkuhi,

²⁴ Ga-gahgimiwa, Qahqi ilani napaga, bur pami bonrta vpalufhi, u janinrli wah wewili wewvli, chena inv wa hunsgrnvmv-wrli u mengr-nilici u janinrli, iwv Mosise.

²⁵ Huwa ’n’tvsi vbeki weci nelvwa neswvhfwi ujani-nrki : macimi inv nhihtv usilatv-mwv chena vsanwv, macimi mvtv u pami bonv menkv u nvkvtvmv-wrli u janinrli wewvli;

²⁶ nahfrpi inv mvwi-neswi ini-ivskv, chena inv mvwi-nfwi, brluhi inv mvwi-nes-wvhfwi.

²⁷ Chena mviuhqrci nihi jrivhki, inv iqawv napwv.

²⁸ Hini rpafewa-nagi waciganvhi nafvwa wa huwewi niii nihki neswvhfwi? xvga jrivhki u mahci bonr-wrli nili, u takuhi.

²⁹ Pvyaqv Jesise rpvfsa macimi, Ki br-bemi Ivwepwv gelvwv, mvtv ki pami wr-kudr-nrwv nili tapilo awigrda-wvli, nuhgi mvtv ini u wesikvtuwe-wa Mvnatu.

³⁰ Xvga ini rpafewa-nagi mvtv nihki wr-wechadeki, mvtv-nuhgi wechadewa-nagi yrsi melatipi, wakv ilafeki brsi ancv-leki betiga wafapvh-kvmigigi.

³¹ Pvyaqv yagi ini ud rpafewa inv na-pakv, hv mvtv ki mah’ lrbrtudr-nrwv ya-lalwrqa Mvnatu,

³² Neiv inv u Mvnado-mvli Aplaham’, chena inv u Mvnado-mvli Visig’, chena inv u Mvnado-mvli Jakvb’? hiwv. Mvnadoli mvtv nileni u Mv-nado-mvli inv na-pakv, inv la-nvwawitv wakv, u talvhi nihi.

³³ Chena ini iah notvmu-wrci nihki mahsa-lagiki, u cihfalatv-mvwr-wrli u kvgahgimiwawa.

³⁴ Pvyaqv nihki Palaseki iah nodrga-wrci yasi inv mahci da-pimrci nihi Satusihi mrwvsgrki.

³⁵ Chena nakuti nihki, lviv, u nvtuhtv-wrli nvtuhdwrdewa, u pami kutvhkuwr-lrli :

³⁶ Gagah-gimiwa, drniwa msrwi tapigamowa ini kutaladewa-nagi? u talrli.

³⁷ Macimi inv, Hvhqa-lami gelv inv Dabalamiwatv gi Mvnado-mv gilagi jrivhgi gi tahi, macimi gilagi jrivhgi mvyrwi-geiv, macimi gilagi jrivhgi gi mamagini-tahrkv.

³⁸ Yomv ini msrwi macimi nhihtv-wvtwi ta-pigamowa.

³⁹ Chena mvwi-neswi brsi ini vagi vlv-yomv, Hvhqa-lami gelv mr-pvyaci-grlahkv brsi geiv.

⁴⁰ Yoloni neswi tapigamo-wanv tvh Irpitagi malsga ini kutala-dewa, chena nihki mrmosiges-qacki, u talrli nili.

⁴¹ Huwa ia-haiahi mrwvsgr-wrci nihki Palaseki, Jesise u nv-tuhtv-wvhi nihi nvtuhdwrdewa,

⁴² Nahiwa gelvwv ki ta la-lamrwv inv Klvisde? nafvwa u qihfvli nili? u talvhi. Dapide u qihfvli nili, u talr-wrli nihki.

⁴³ Gociwa chena Dapide Dabalami-watv u tasi-nrli ini Ucvjrlvhkugi,

⁴⁴ Hinv Dabalamiwatv u talrli ni Dabalamiwa-mvli, Lamvtvpilu gelv ni mvyrwen-gigi, Brlu’ nelv Irmagi gi fitvli si bonvga gi mvdaladewa-nvki? iwv.

⁴⁵ Qagqi Dapide ina Dabalamiwatv sinrta nili, nahiwa u ta-si u qihfi-nrli? u talvhi.

⁴⁶ Macimi mvtv nakuti wiyafv kvtvwe-lafi wvhsi rpvftv-wrci nakuti kvlvwewa, mvtv-nuhgi gidani ilani ina grsagigi uci nvtuhtv-wrli nvtuhdwrdewa.