PA’PUDIAN 131 - Sura' Madatu

Diona to umpamadiongan penaanna ussorong kalena lako Puang Matua 131:1-3

¹ Nanian Hamaa’lot. Pa’pudianna Daud. O PUANG, tae’ anna matampo tu penaangku, sia tae’ anna mentiro dao tu matangku, tae’ duka angku daka’ apa kapua, ba’tu apa tarru’ kalle-kalleanna lako kaleku.

² Tonganna tongan kupama’tanmo sia kupakari’pi tu sumanga’ku, sangtinti to pia disarakki susu, la’ka’ lako indo’na; ten to pia disarakki susu tu deatangku lan kaleku.

³ E to Israel, rannuangkomi PUANG, randuk totemo te tontong sae lakona.