Sereńko 1 - সান্তালী বাইবেলPạhil puthi ( Sereńko 1—41 ) Sạriyakʼ reakʼ suk 1 Bhạgangeae uni hoṛ do, okoe do bedhoromkoakʼ sopolha bae senakʼkan, ar kại hoṛkoakʼ horre bae tahenkan, ar ṭiṭkạri nisṛạukoakʼ duṛupʼakʼre hõ bae duṛupʼkan; 2 bickom Probhu Isorakʼ ạnrege uniyakʼ rạskạtae do, ar onage uniyakʼ siń ar ńindạ reakʼ dhenkantaea. 3 Uni do ạtukʼ dakʼ aṛere rohoe akan dare leka kanae, one ona do okte nạpitre jokʼkan, ar ona reakʼ sakamko hõ baṅ tolmojokʼ; uni do jotowakʼ kạmiregeye jo bahakʼkana. 4 Menkhan bedhoromko do bako onkana; onko do hoete oṭaṅ calakʼkan bhusạ lekanako. 5 Onate bicạr hilokʼ onko bedhoromko do bako ṭarhaokʼa, ar kạiyan hoṛko hõ dhorom hoṛkoakʼ jarwakʼre bako teṅgo ńama; 6 ente Probhu Isor do dhorom hoṛkoakʼ hore moneyakʼa, menkhan bedhoromkoakʼ hor do maraokʼtakoa. |
Santali Bible © Bangladesh Bible Society, 2021.
Bangladesh Bible Society