1 Bõsbudạ 1 - সান্তালী বাইবেল

Adam khon Abraham hạbicʼ bõsbudạ

¹ Adamren hopon do Seth, Sethren hopon do Enos,

² Enosren hopon do Kenan, Kenanren hopon do Mahalalel, Mahalalelren hopon do Jared;

³ Jaredren hopon do Enok, Enokren hopon do Mathusala, Mathusalaren hopon do Lamek ar Lamekren hopon Noha.

⁴ Noharen hopon do Sem, Ham ar Japhet.

⁵ Japhetren hopon doko hoyokʼkana Gomer, Magog, Madal, Jawan, Tubạl, Mesek ar Tirạs.

⁶ Gomerren hoponko do Askenas, Diphat ar Togarma.

⁷ Jawaren hopon doko hoyokʼkana Elisa, Tarsis, Kitim ar Rodanim.

⁸ Hamren hoponko doko hoyokʼ kana, Kus, Misrạyim, Put, ar Kanan.

⁹ Kusren hoponko doko hoyokʼ kana Seba, Hạwila, Sabta, Raema ar Sabteka. Raemaren hopon dokin hoyokʼ kana Seba ar Dedan

¹⁰ Kusren do mitʼṭen hopone hoylena uniyakʼ ńutum do Nimrod tahẽkana. Uni do dhạrtire mitʼṭen birbanṭa hoṛe tahẽkana.

^11-12 Ludio, Anamio, Lehebio, Naptuhiko, Pạthrusiko, Kạsluhiko ar Kerh do Misorren bõsko tahẽkana. Ar Kạsluhiko do Philisṭikoren hapṛamko tahẽkana.

^13-16 Kananren maraṅicʼ hoponakʼ ńutum do Sidon tahẽkana. Uni tayom do Hethe janamena. Jebusiko, Amoriko, Girgạsiko, Hiwiko, Arkiko, Siniko, Arwadiko, Semariko ar Hamathiko do Kanan bõsren hoṛko tahẽkana.

¹⁷ Shemren hoponko doko hoyokʼ kana Elam, Ạsur, Arpaksad, Lud, Aram, Us, Hul, Gether ar Mesek.

¹⁸ Arpaksadren hoponakʼ ńutum do Selah ar Selahren hoponakʼ ńutum do Eber.

¹⁹ Eberren do barea hoponkin tahẽkana. Unkin modre mitʼ hoṛakʼ ńutum do Peleg; uni oktere dhạrti begarlen iạte uni do niạ ńutumko doholetʼtaea. Pelegren boehawakʼ ńutum do Joktan tahẽkana.

²⁰ Joktanren hoponko doko hoyokʼ kana Almodad, Seleph, Hasarmawet Jerah,

²¹ Hadoram, Usạl Diklạ,

²² Ebal, Abimayel, Seba,

²³ Ophir, Hawila ar Jobab.

²⁴ Noa do hoyokʼkana Semrenkoakʼ bõs tạlika: Semren hopon do Arpaksad, Arpaksadren hopon do Sela;

^25-27 Selaren hopon do Eber, Eberren hopon do Peleg, Pelegren hopon do Reu; Reuren hopon do Serug, Serugren hopon do Nahor, Nahorren hopon do Tera; Teraren hopon do Abraham; ar Abrahamren hoponkin do Isahak ar Ismael.

Ismael reakʼ bõsbudạ

^28-31 Abrahamren hopon dokin hoyokʼkana Isahak ar Ismael. Unkinren bõsko doko hoyokʼkana: Ismaelren maraṅicʼ hopon Nebayot, uni tayom do Kedar, Adbeyel, Mibsam, Misma, Duma, Masa, Hadad, Thema, Jetur, Naphis ar Kedma.

³² Abrahamern chuṭki era Keturaren hopon Simran, Joksan, Medan, Midiạn, Jisbak ar Suah. Seba ar Dedan do Joksanren hoponkin tahẽkana.

³³ Midiạnren hopon doko hoyokʼkana Ephah, Epher, Hanok, Abida ar Eldah. Noko joto do Ketuaren hoponko tahẽkana.

Esao reakʼ bõsbudạ

³⁴ Abrahamren hopon Isahakren hopon dokin hoyokʼkana Esao ar Israel.

³⁵ Esaoren hoponkoakʼ ńutum do hoyokʼkana Eliphas, Reuel, Jeus, Jalam, ar Korah.

³⁶ Eliphasren hoponko doko hoyokʼkana, Teman, Omar, Sephi, Gatam, Kena, Timna ar Amalek.

³⁷ Reuelren hopon doko hoyokʼkana Nahat, Serah, Sama Misa.

Seyirrenkoakʼ bõsbudạ

³⁸ Seyirren hoponkoakʼ ńutum do hoyokʼkana Lotan, Sobal, Sibeon, Ana, Dison, Eser, ar Disan.

³⁹ Lotanren hoponkinakʼ ńutum do Hori ar Hemam. Ar Timna do Lotanren miserae tahẽkana.

⁴⁰ Sobalren hoponko doko hoyokʼkana Alian, Manahat, Ebal, Sepho ar Onam. Sibeonren hoponkinakʼ ńutum do Aia ar Ana.

⁴¹ Anaren hoponakʼ ńutum do hoyokʼ kana Dison. Ar Disonren hoponkoakʼ ńutum do hoyokʼkana Hamran, Esban, Ithran ar Keran.

⁴² Eserren hoponkoakʼ ṅutum do hoyokʼ kana Bilhan, Sawan ar Jakan. Disonren hoponkin do Us ar Aran.

Edomren rajko

⁴³ Israelko talare raj ạuriko hoyokʼre Edom disạmre okoe do rajokʼko ehopʼlen onkoakʼ ńutum do hoyokʼkana: Beorren hopon Bela. Uniyakʼ raj nagraha reakʼ ńutum do Dinhaba tahẽkana.

⁴⁴ Bela gocʼ tayom Bosra nagraharen Serahren hopon Jobab do raje hoyena.

⁴⁵ Joabakʼ gujukʼ tayom uniyakʼ jaegare Temanikoakʼ disạmren Husam do raje hoyena.

⁴⁶ Husamakʼ gujukʼ tayom Bedadren hopon Hadad do uniyakʼ jaegare raje hoylena. Uni do Moab disạmren Midiạnrenkoe bhagaoketʼkoa. Uniyakʼ raj nagraha reakʼ ńutum do Awit tahẽkana.

⁴⁷ Hadatakʼ gujukʼ tayom Masreka nagraharen Samla do raje hoyena.

⁴⁸ Samla gujukʼ tayom uni bodolte ona ṭoṭha reakʼ gaḍa hanasaren Rehobot nagraharen Sạul do raje hoyena.

⁴⁹ Sạulakʼ gujukʼ tayom uniyakʼ jaegare Akborren hopon Balhana do raje hoyena.

⁵⁰ Balhanawakʼ gujukʼ tayom uniyakʼ jaegare Hadad do raje hoyena. Uniyakʼ raj nagraha reakʼ ńutum do Pau ar uniren bạhuttetʼakʼ ńutum do Mehetabel tahẽkana. Uni do Matredren hoponera Mesahabren goṛomtetʼ kuṛiye tahẽkana.

^51-54 Ar Hadad doe gocʼena. Edomren sordarko doko tahẽkana, Timna, Alwa, Jethet, Oholibama, Ela, Pinon, Kenas, Teman, Mibsar, Magdiel ar Iram; noko do Edomren bõsko tahẽkana.