TA KƏLA 5 - Bibəl ta Sar̄

De gə̄ kə́ gír kaa yā Adam tə́ bátə́ ugə̄ń dɔ Noe tə́

¹ Rī de gə̄ kə́ gír kojə yā Adam tə́ n toó: Ndɔ̄ ń Nə́ɓā əndāń deē tə́ ní, ni-rāān adə̄ to tītə̄ Nə́ɓā.

² Ni əndā dəngam ō, dəyá̰ ō. Ndɔ̄ ń əndāńdə́ tə́ ní, əndā rī deē dɔdə́ tə́, ba rāā majə sedə́.

³ Adam rāā ɓāl̄ ɓú kə kutə mətá anī, ojə ngōn̄ kə́ dəngam kə́ to tītə̄n. Ni əndā rīn na i Set.

⁴ Adam rāā ɓāl̄ ɓú sɔ́sɔ́ gō kojə Set tə́. Ni ojə ngáń kə́ dəngam kə́ rang gə̄ ō, kə́ dəyá̰ gə̄ ō.

⁵ Ɓāl̄ Adam malang i ɓú ndōhó. Gō tə́ anī, ni oy.

⁶ Set rāā ɓāl̄ ɓú kə kalən kə́ mí anī, ojə Enos.

⁷ Gō kojə Enos tə́ anī, ni-rāā ɓāl̄ ɓú sɔ́sɔ́ kə kalən kə́ sīrí ɓáý. Ni ojə ngáń kə́ dəngam kə́ rang gə̄ ō, kə́ dəyá̰ gə̄ ō.

⁸ Ɓāl̄ Set malang i ɓú ndōhó kə kutə kógə̄ḿ kə kalən kə́ jōó. Gō tə́ anī, ni oy.

⁹ Enos rāā ɓāl̄ kutə ndōhó anī, ojə Kenan.

¹⁰ Gō kojə Kenan tə́ anī, Enos rāā ɓāl̄ ɓú sɔ́sɔ́ kə kutə kógə̄ḿ kə kalən kə́ mí ɓáý. Ni ojə ngáń kə́ dəngam kə́ rang gə̄ ō, kə́ dəyá̰ gə̄ ō.

¹¹ Ɓāl̄ Enos malang i ɓú ndōhó kə kalən kə́ mí. Gō tə́ anī, ni oy.

¹² Kenan rāā ɓāl̄ kutə sīrí anī ojə Malalel.

¹³ Gō kojə Malalel tə́ anī Kenan rāā ɓāl̄ ɓú sɔ́sɔ́ kə kutə sɔ́ ɓáý. Ni ojə ngáń kə́ dəngam kə́ rang gə̄ ō, kə́ dəyá̰ gə̄ ō.

¹⁴ Ɓāl̄ Kenan malang i ɓú ndōhó kə kutə kógə̄ḿ. Gō tə́ anī ni oy.

¹⁵ Malalel rāā ɓāl̄ kutə mehḛ́ gidə i mí anī ojə Yered.

¹⁶ Gō kojə Yered tə́ anī Malalel rāā ɓāl̄ ɓú sɔ́sɔ́ kə kutə mətá ɓáý. Ni ojə ngáń kə́ dəngam kə́ rang gə̄ ō, kə́ dəyá̰ gə̄ ō.

¹⁷ Ɓāl̄ Malalel malang i ɓú sɔ́sɔ́ kə kutə ndōhó kə kalən kə́ mí. Gō tə́ anī ni oy.

¹⁸ Yered rāā ɓāl̄ ɓú kə kutə mehḛ́ kə kalən kə́ jōó anī ojə Henok.

¹⁹ Gō kojə Henok tə́ anī Yered rāā ɓāl̄ ɓú sɔ́sɔ́ ɓáý. Ni ojə ngáń kə́ dəngam kə́ rang gə̄ ō, kə́ dəyá̰ gə̄ ō.

²⁰ Ɓāl̄ Yered malang i ɓú ndōhó kə kutə mehḛ́ kə kalən kə́ jōó. Gō tə́ anī ni-oy.

²¹ Henok rāā ɓāl̄ kutə mehḛ́ gidə i mí anī ojə Metusela.

²² Gō kojə Metusela tə́ anī Henok njə̄rā kə Nə́ɓāá ɓāl̄ ɓú mətá. Ni ojə ngáń kə́ dəngam kə́ rang gə̄ ō, kə́ dəyá̰ gə̄ ō.

²³ Ɓāl̄ Henok malang i ɓú mətá kə kutə mehḛ́ gidə i mí.

²⁴ Henok njə̄rā kə Nə́ɓāá ba ta tɔ̄l̄ ta anī ni gətóo, tɔdɔ̄ Nə́ɓā unən kɔ̄ɔ́.

²⁵ Metusela rāā ɓāl̄ ɓú kə kutə sɔ́sɔ́ kə kalən kə́ sīrí anī ojə Lamek.

²⁶ Gō kojə Lamek tə́ anī Metusela rāā ɓāl̄ ɓú sīrí kə kutə sɔ́sɔ́ kə kalən kə́ jōó ɓáý. Ni ojə ngáń kə́ dəngam kə́ rang gə̄ ō, kə́ dəyá̰ gə̄ ō.

²⁷ Ɓāl̄ Metusela malang i ɓú ndōhó kə kutə mehḛ́ kə kalən kə́ ndōhó. Gō tə́ anī ni oy.

²⁸ Lamek rāā ɓāl̄ ɓú kə kutə sɔ́sɔ́ kə kalən kə́ jōó anī ojə ngōn̄ kə́ dəngam kógə̄ḿ.

²⁹ Ni əndā rīn na i Noe əda na: Nge ń toō a sɔl̄ kemjí dɔ kɔr yājí gə̄ tə́ ō, dɔ kəla kə́ ngan̄g gə̄ ń j-a jə-rāā tə́ sɔɔ̄ń ndɔ̄ĺ ń Nə́ɓā ndɔ̄ĺ dɔ nang ní ō.

³⁰ Gō kojə Noe tə́ anī, Lamek rāā ɓāl̄ ɓú mí kə kutə ndōhó kə kalən kə mí ɓáý. Ni ojə ngáń kə́ dəngam kə́ rang gə̄ ō, kə́ dəyá̰ gə̄ ō.

³¹ Ɓāl̄ Lamek malang i ɓú sīrí kə kutə sīrí kə kalən kə́ sīrí tá oy.

³² Noe rāā ɓāl̄ ɓú mí anī, ojə Sem ō, Kam ō, Japet ō.