TA KƏLA 36 - Bibəl ta Sar̄

Esau ndi dɔ nang kə́ Edom tə́

^1-2 Ngán Esau gə̄ n toó: Esau ń rīn na i Edom ní taā dəyá̰ gə̄ i dan ngáń kə́ dəyá̰ kə́ Kanaan gə̄ tə́. Kógə̄ḿ i Ada ngōn̄ Elon ń i Het ní ō, kə́ noō i Oholibama ngōn̄ Ana kə́ ngōn̄ Sibeon ń i Hibi ní ō.

³ Ni taā Basmat ngōn̄ Ismael ō. Basmat i ngōkó̰o̰ Nebayot kə́ dəyá̰.

⁴ Ada ojə Elipaj adə̄ Esau. Basmat ojə Rewel.

⁵ Oholibama ojə Yeus ō, Yalam ō, Kora ō. Ngán Esau gə̄ ń ojədə́ dɔ nang kə́ Kanaan tə́ ní n noó.

⁶ Esau ɔy nə̄yá̰n gə̄ ō, ngánən kə́ dəngam gə̄ ō, ngánən kə́ dəyá̰ gə̄ ō, ngé kəla yān gə̄ malang ō, yá̰a̰ kul̄ yān gə̄ ō, dā̰ yān gə̄ malang ō, yá̰a̰ gə̄ ń ənge dɔ nang kə́ Kanaan tə́ ní malang ō, ba aw̄ dɔ nang kə́ rang tə́, sa̰y kɔ̄ɔ́ rɔ̄ ngōkó̰o̰n Jakob tə́.

⁷ Tɔdɔ̄ yá̰a̰ kənge yādə́ i ngá̰ý al̄ naā, adə̄ asə kadə̄ ndinə̄ń naā tə́ aĺ ō, loo ń nin̄ i mbā tū tə́ ní asə tām̄ yādə́ tə́ to̰ aĺ ō, najə̄ yá̰a̰ kul̄ yādə́ gə̄ tə́.

⁸ I tām̄ ń noō tə́ n Esau ń rīn kə́rēý na i Edom ní aw̄ ndiń ɓē dɔ mbal̄ kə́ Seir tə́ ní.

Ngán Esau gə̄ ō, ngán kaan gə̄ ō

⁹ Esau, kaa de kə́ Edom gə̄ ń ndin̄ ɓē dɔ mbal̄ kə́ Seir tə́ ní, ngánən gə̄ ō, ngán kaan gə̄ ō n toó:

¹⁰ Rī ngánən gə̄ n toó: Elipaj ngōn̄ Ada kə́ nə̄yá̰ Esau ō, Rewel ngōn̄ Basmat kə́ nə̄yá̰ Esau ō.

¹¹ Ngán Elipaj gə̄ i Teman ō, Omar ō, Sepo ō, Gatam ō, Kenas ō.

¹² Timna də̄yá̰ gidə ndogə̄ yā Elipaj kə́ nge ko̰ jōó ojə Amalek adə̄ Elipaj. Ngán kaa Esau nin̄ kə nə̄yá̰n Adaá n noó.

¹³ Ngán Rewel gə̄ n toó: Nahat ō, Jera ō, Sama ō, Mija ō. Ngán kaa Esau nin̄ kə nə̄yá̰n Basmat n noó.

¹⁴ Ngán Oholibama nə̄yá̰ Esau n toó: Oholibama ojə Yeus ō, Yalam ō, Kora ō, kə Esauú. Oholibama i ngōn̄ Ana kə́ dəyá̰, ba Ana tá i ngōn̄ Sibeon kə́ dəyá̰.

^15-16 Ngār gə̄ kə́ dɔ gír kojə yā Esau tə́ n toó: Teman ō, Omar ō, Sepo ō, Kenas ō, Kora ō, Gatam ō, Amalek ō. I nin̄ n i ngār gə̄ kə́ dɔ nang kə́ Edom tə́ ní. Nin̄ i ngán Elipaj hágə Esau nin̄ kə nə̄yá̰n Adaá.

¹⁷ Nahat ō, Jera ō, Sama ō, Mija ō ń i ngār gə̄ kə́ dɔ nang kə́ Edom tə́ ní, nin̄ i ngán Rewel kə́ ngōn̄ Basmat nə̄yá̰ Esau.

¹⁸ Yeus ō, Yalam ō, Kora ō ń i ngār gə̄ ní, nin̄ i ngán Esau nin̄ kə nə̄yá̰n Oholibama kə́ ngōn̄ Ana.

¹⁹ Ngār kə́ Edom tə́ gə̄ kə́ ngán kaa Esau gə̄ n noó.

^20-21 De gə̄ ń ndin̄ dɔ nang kə́ Edom tə́ kété ní i ngán Seir gə̄ ō, ngán kaan gə̄ ō. Seir i Hori. Ngār yā Hori gə̄ i Lotan ō, Sobal ō, Sibeon ō, Ana ō, Dison ō, Eser ō, Disan ō. Nin̄ i ngán Seir gə̄.

²² Ngán Lotan gə̄ i Hori ō, Hemam ō.

²³ Rī ngōkó̰o̰ Lotan kə́ dəyá̰ na i Timna. Ngán Sobal gə̄ n toó: Alban ō, Manahat ō, Ebal ō, Sepo ō, Onam ō.

²⁴ Ngán Sibeon gə̄ n toó: Aya ō, Ana ō. I Ana ngeé ń toō n teē dɔ kəɓa man̄ kə́ təngā gə̄ tə́ dan ń a ulə̄ń kərō yā bɔbə̄n Sibeon gə̄ kem dəla loo tə́ ní.

²⁵ Ngán Ana gə̄ i jōó: Kə́ dəngam i Dison ō, kə́ dəyá̰ i Oholibama ō.

²⁶ Ngán Dison gə̄ n toó: Hemdan ō, Esəban ō, Itəran ō, Keran ō.

²⁷ Ngán Eser gə̄ n toó: Bilehan ō, Jaban ō, Akan ō.

²⁸ Ngán Disan gə̄ n toó: Us ō, Aran ō.

²⁹ Ngār yā Hori gə̄ n toó: Lotan ō, Sobal ō, Sibeon ō, Ana ō,

³⁰ Disan ō, Eser ō, Dison ō. Ngār yā Hori gə̄ kə́ dɔ nang kə́ Seir tə́ n noó.

³¹ Mban̄g gə̄ ń o̰o̰n̄ ɓē dɔ nang kə́ Edom tə́ kété tá kadə̄ mban̄g kógə̄ḿ o̰o̰ ɓē dɔ ngán Israel gə̄ tə́ ní n toó:

³² Bela ngōn̄ Beor o̰o̰ ɓē dɔ nang kə́ Edom tə́ ba rī ɓē yān na i Dinaba.

³³ Bela oy anī Yobab ngōn̄ Jera kə́ Bosra o̰o̰ ɓē gotən tə́.

³⁴ Yobab oy anī Husam kə́ ɓē yā Teman gə̄ tə́ o̰o̰ ɓē gotən tə́.

³⁵ Husam oy anī Hadad ngōn̄ Bedad o̰o̰ ɓē gotən tə́. I ni n tetə Madian gə̄ rɔ̄ɔ̄ dɔ nang kə́ Moab tə́ ní. Rī ɓē yān na i Abit.

³⁶ Hadad oy anī Samla kə́ Masəreka o̰o̰ ɓē gotən tə́.

³⁷ Samla oy anī Saul kə́ Rehobot dɔ gɔ́sə bā tə́ o̰o̰ ɓē gotən tə́.

³⁸ Saul oy anī Baal Hanan ngōn̄ Akbor o̰o̰ ɓē gotən tə́.

³⁹ Baal Hanan ngōn̄ Akbor oy anī Hadar o̰o̰ ɓē gotən tə́. Rī ɓē yān na i Paw. Rī nə̄yá̰n na i Mehetabel ngōn̄ Matəred ń i ngōn̄ Mejahab kə́ dəyá̰ ní.

⁴⁰ Rī ngār kə́ Edom gə̄ ń teēn̄ gír yā Esau tə́ ní n toó kə gō gír kaa yādə́ gēé ō, kə gō gír ɓē yādə́ gēé ō: Timna ō, Alba ō, Yetet ō,

⁴¹ Oholibama ō, Ela ō, Pinon ō,

⁴² Kenas ō, Teman ō, Mibəsar ō,

⁴³ Magədiel ō, Iram ō. Ngār kə́ Edom gə̄ n noó kə gō gír ɓē yādə́ gēé. Esau i kaa de kə́ Edom gə̄.