TA KƏLA 10 - Bibəl ta Sar̄

Gír de gə̄ kə́ dɔ nang tə́

¹ Ngán Noe gə̄ ń i Sem ō, Kam ō, Japet ō ní ojən̄ naā gō man̄ kaw̄ tə́. Gír kojə yādə́ n toó:

² Ngán Japet gə̄ i Gomer ō, Magog ō, Maday ō, Yaban ō, Tubal ō, Mesek ō, Tiras ō.

³ Ngán Gomer gə̄ i Asəkenas ō, Ripat ō, Togarma ō.

⁴ Ngán Yaban gə̄ i Elisa ō, Tarsis ō, Kitim ō, Rodanim ō.

⁵ De gə̄ ń tə̄ndān̄ naā tḭ̄ḭ̄n̄ kə gō dor̄ loo gə̄ ní, i nin̄ n ojən̄də́ ní. De gə̄ ní ndin̄ i kə gō dɔ nang yādə́ gēé ō, kə gō ta yādə́ gēé ō, gír kaa yādə́ gēé ō, kə gō nápar yādə́ gēé ō.

⁶ Ngán Kam gə̄ i Kus ō, Misəraim ō, Put ō, Kanaan ō.

⁷ Ngán Kus gə̄ i Seba ō, Habila ō, Sabəta ō, Ragəma ō, Sabəteka ō. Ngán Ragəma gə̄ i Saba ō, Dedan ō.

⁸ Kus i bɔbə̄ Nemrod ō. Nemrod i de kə́ ta kəga dɔ ń tɔ́gən i ngá̰ý dɔ nang tə́ ní.

⁹ Nemrod i gáẃ kə́ nge ndo̰ kə̄ ta kum Kɔ́ɔ̄ɓē tə́. I tām̄ najə̄ ń toō tə́ n kāgə̄ najə̄ əda na: Gáẃ kə́ nge ndo̰ kə̄ ta kum Kɔ́ɔ̄ɓē tə́ tītə̄ Nemrod ní.

¹⁰ Ɓē ko̰o̰ yān gə̄ kə́ ta kəga dɔ i Babel ō, Erek ō, Akad ō, Kalne ō, gō nang kə́ Sinear tə́.

¹¹ Nemrod əya̰ dɔ nang ngeé ń noō kɔ̄ɔ́, ba aw̄ ndi dɔ nang kə́ Asiri tə́. I ni n rāā ɓē kə́ Ninibə ō, kə́ Rehobot Hir ō, kə́ Kala ō ní.

¹² Ni-rāā ɓē kə́ Resen dɔ dán ɓē kə́ Ninibə nin̄ kə Kala ń i ɓē kə́ bo ní tə́ ō.

¹³ Misəraim ojə de gə̄ kə́ Lud ō, Anem ō, Lehab ō, Napətu ō,

¹⁴ Patəros ō, Kasəlu ō, Kapətor ō, loo ń Pilistin gə̄ teēn̄ tū tə́ tə́ ní.

¹⁵ Kanaan ojə Sidon ń i ngōn̄ hágən ní ō, Het ō,

¹⁶ Yebus gə̄ ō, Amor gə̄ ō, Girgas gə̄ ō,

¹⁷ Hibi gə̄ ō, Arki gə̄ ō, Sini gə̄ ō,

¹⁸ Arbad gə̄ ō, Semar gə̄ ō, Hamati gə̄ ō. Gō tə́ anī gír kojə yā ngán Kanaan gə̄ tə̄ndān̄ naā tḭ̄ḭ̄n̄ kə̄ loo gə̄ tə́.

¹⁹ Dɔ nin̄ loo yādə́ əla gír i Sidon, teēń Gerar bátə́ ugə̄ń Gaja ō, Sodom ō, Gomor ō, Adəma ō, Seboim ō, Lesa ō.

²⁰ Ngán Kam gə̄ n noó kə gō gír kaa yādə́ gēé ō, ta yādə́ gēé ō, kə gō dɔ nang yādə́ gēé ō, kə gō nápar yādə́ gēé ō.

²¹ Sem ń i nga tɔ́gə Japet ní ojə ngán gə̄ ō. Ni i kaa Eber kə gír kojə yān gə̄ malang.

²² Ngán Sem gə̄ n toó: Elam ō, Asur ō, Arpaksad ō, Lud ō, Aram ō.

²³ Ngán Aram gə̄ n toó: Us ō, Hul ō, Geter ō, Mas ō.

²⁴ Arpaksad ojə Sela, Sela ojə Eber.

²⁵ Eber ojə ngán gə̄ jōó: Rī kə́ kógə̄ḿ na i Peleg, kumən na i kēgə̄ naā, tɔdɔ̄ i ɓāl̄ yān tə́ n de kə́ dɔ nang tə́ gə̄ kēgə̄n̄neé naā ní, ba rī ngōkó̰o̰n na i Yokətan.

²⁶ Yokətan ojə Almodad ō, Selep ō, Hasarmabet ō, Yera ō,

²⁷ Hadoram ō, Ujal ō, Dikəla ō,

²⁸ Obal ō, Abimael ō, Saba ō,

²⁹ Opir ō, Habila ō, Yobab ō. Nin̄ malang i ngán Yokətan gə̄.

³⁰ Ɓē yādə́ əla gír i Mesa bátə́ ugə̄ń Separ ń i mbal̄ kə́ gír ɓē tə́ ní.

³¹ Ngán Sem gə̄ n noó kə gō gír kaa yādə́ gēé ō, ta yādə́ gēé ō, dɔ nang yādə́ gēé ō, nápar yādə́ gēé ō.

³² Gír kaa yā ngán Noe gə̄ n noó kə gō gír kojə yādə́ gēé ō, napar yādə́ gēé ō. Nápar de gə̄ malang ń tə̄ndān̄ naā tḭ̄ḭ̄n̄ kə̄ loo gə̄ tə́ dɔ nang tə́ ní, i nin̄ n ojən̄də́ ní.