PĀ GƏ̄ 93 - Bibəl ta Sar̄Kɔ́ɔ̄ɓē i mban̄g 1 Kɔ́ɔ̄ɓē i mban̄g. Kɔsə gɔn utə̄ gidə rɔ̄n malang. Tɔ́gə gīr̄ gidən tītə̄ ndāŕ kəhɔ ɓōdə̄ beé. Rɔ̄kum, dɔ nang ra ngan̄g, yá̰a̰ a yéȳn alé. 2 Kɔ́ɔ̄ɓē, kōr̄ kāgə̄ mbang yāí əla gír ndi ngan̄g i jóo. Ḭ̄ ə́lá gír ndi i jóó ngá̰ý. 3 Bā gə̄ ḭḭn̄ bububu! Kɔ́ɔ̄ɓē, bā gə̄ ḭḭn̄ bububu adə̄ kōōdə́ ɓār̄ ngá̰ý. Bā gə̄ ḭḭn̄ bububu adə̄ bəngáĺdə́ ń ənda kadə mbal̄ ní ɓār̄ ngá̰ý. 4 Kɔ́ɔ̄ɓē ń ndi dɔ rā̰ tə́ ní tɔ́gən i ngá̰ý! Ni tɔȳ kōō man̄ ń a ɓār̄ ngá̰ý ní ō, tɔȳ kōō bəngál bā bo ń ənda kadə mbal̄ kə tɔ́gɔ́ ní ō. 5 Yá̰a̰ gə̄ ń ī-ndang kadə̄ yā rāā ní i yá̰á̰ kə́ rɔ̄kum gə̄. Kɔ́ɔ̄ɓē, yá̰á̰ malang kə́ táĺ əhɔn̄ naā kə kújə yāí kə ndɔ̄ gə̄ ndɔ̄ gə̄. |
Bibəl ta Sar̄ © L'Alliance Biblique du Tchad, 2006, 2010.
Bible Society of Chad