PĀ GƏ̄ 87 - Bibəl ta Sar̄

Siyo̰ i ɓē yā gír de gə̄ malang

1 Pā yā ngán yā Kore gə̄. Pā.

¹ Pā yā ngán yā Kore gə̄. Pā. Kɔ́ɔ̄ɓē əndā ngəra ɓē kə́ Siyo̰ i dɔ mbal̄ kə́ táĺ gə̄ tə́.

² Ni gḛy ɓē kə́ Siyo̰ tɔȳ gotə ɓē kə́ rang gə̄ malang yā Jakob ń de gə̄ ndin̄ tū tə́ ní.

³ Ḭ̄ i ɓē bo yā Nə́ɓā, ɔjən̄ gotə najə̄ kə́ to kɔsə gɔn gə̄ dɔí tə́!

⁴ M-ə́da najə̄ yā de kə́ Ejiptə gə̄ ō de kə́ Babilon gə̄ ō Pilistin gə̄ ō Tir gə̄ ō de kə́ Etiopi gə̄ ō ta kum ngé gə̄ ń ger̄mə̄n̄ tə́ ní. Rɔ̄kum, ojən̄də́ i kem ɓē gə̄ ń noō tə́.

⁵ Ba kə́ tām̄ yā ɓē kə́ Siyo̰ tə́ ɓáa, i gáŕ kadə̄ ədan̄ dɔ tə́ na: Nin̄ kógə̄ḿ kógə̄ḿ ní ɓē yādə́ kə́ rɔ̄kum i loo ń toō tə́ laā, i Nə́ɓā kə́ dɔɔ́ sa̰y ngá̰ý nəkɔ́ n əndā ngəra ɓē ní.

⁶ Kɔ́ɔ̄ɓē ndang kem makətūbə̄ yā gír de gə̄ tə́ na: Deē ń toō ojənən̄ i loo ń toō tə́,

⁷ banī nin̄ ndāmə̄n̄ ō, ənīn̄ pā ō ədan̄ na: Siyo̰, jḭḭ malang ní gír ngərají i looí.