PĀ GƏ̄ 70 - Bibəl ta Sar̄Kɔ́ɔ̄ɓē, ī-reē láẃ (Á̰a̰ī Pā 40.14-18 ) 1 Pā kə́ kem makətūbə̄ yā ngār yā gōsə̄ pā gə̄ tə́. I pā yā Dabid. I kadə̄ əgań kem Nə́ɓā dɔ deē tə́. 2 Nə́ɓā, ī-reē ī-gān̄g dɔḿ, Kɔ́ɔ̄ɓē, ī-reē láẃ ī-dḭḭ̄m̄! 3 Ngé gə̄ ń sāān̄ kadə̄ m-óy kɔ̄ɔ́ ní, ə̄nī rɔ̄sɔl̄ dɔdə́ tə́ kə́ nja ngáā tə́! Ngé gə̄ ń sāān̄ kadə̄ yá̰á̰ kə́ to kum kaȳ aĺ əsō dɔḿ tə́ ní, ī-ndaadə́ ādə̄ téləń kə gōdə́! 4 Ngé gə̄ ń əgōmə̄n̄ njik njik ní ādə̄ tél aw̄n̄ kə rɔ̄sɔlɔ̄ɔ́! 5 Banī ngé ndəle njaí gə̄ malang ní, ādə̄ rɔ̄də́ nel̄də́ ngá̰ý najə̄ yāí tə́ ō, de gə̄ malang ń tárnī ḭ̄ nge kajə de gə̄ ní, ādə̄ ədan̄ ngándáńg na Nə́ɓā i de kə́ bo ō. 6 Ndoō rāām̄ ō, rɔ̄ḿ sɔlə̄m̄ ō. Nə́ɓā, ī-reē láẃ, ī-dḭḭ̄m̄! Ḭ̄ i nge rāā seḿ ō, nge taā kəya̰m̄ dɔɔ́ ō. Kɔ́ɔ̄ɓē, ī-lōō kɔr bā̰ā̰! |
Bibəl ta Sar̄ © L'Alliance Biblique du Tchad, 2006, 2010.
Bible Society of Chad