PĀ GƏ̄ 43 - Bibəl ta Sar̄1 Nə́ɓā, ī-gān̄g sarya yāḿ, ī-rɔ̄ɔ̄ dɔḿ tə́ ta ngé ra dɔ ndūdə́ tə́ aĺ gə̄ tə́. Ī-taām̄ jī nge gól̄ loo tə́ ō, nge rāā yá̰a̰ majaĺ tə́ ō, ə́ya̰m̄ dɔɔ́! 2 Tɔdɔ̄ ḭ̄ i Nə́ɓā ń i loo ɓɔ̄ɔ̄ rɔ̄ kə́ ngan̄g ngá̰ý yāḿ ní. Ī-mbātə́m̄ kɔ̄ɔ́ i najə̄ rí tə́? I tām̄ rí tə́ á m̄-njə̄rā kə rɔ̄nelēé aĺ ō, madə̄ ba̰ā̰ rāā kumḿ ndoō tə́ ō ní? 3 Ī-rāā ādə̄ m-á̰a̰ loo kə́ unjə̄ kow yāí ō, najə̄ kə́ rɔ̄kum yāí ō. Ādə̄ loo kə́ unjə̄ kow yāí ō, najə̄ kə́ rɔ̄kum yāí ō ɔrmə̄n̄ ta róbə aw̄n̄ seḿ kadə mbal̄ kə́ táĺ yāí tə́, aw̄n̄ seḿ kújə yāí tə́! 4 Loo ń noō tə́ m-ā m-ūgə̄ loo tun̄ yá̰a̰ yāí tə́, rɔ̄í ḭ̄ ń i nge rāā kadə̄ m̄-ndām̄ ndām̄ rɔ̄nel̄ ní tə́. M-ā m-ún kənde yāḿ kə̄ jīḿ tə́ yā kugə ɓōkíīneé tɔ̄ȳ, ḭ̄ ń i Nə́ɓā yāḿ ní! 5 Kə m̄-rāā rɔ̄ḿ ndoō i najə̄ rí tə́? kə m̄-nōō rɔ̄ḿ i tām̄ rí tə́? Kəndā kem dɔ Nə́ɓā tə́, ba tél ɓōkə́n tɔ̄ȳ gogə́ rang i só tə́. Ni i nge kajəḿ ō Nə́ɓā yāḿ ō, |
Bibəl ta Sar̄ © L'Alliance Biblique du Tchad, 2006, 2010.
Bible Society of Chad